اعىمداعى جىلى بەسقاراعاي اۋدانىندا 384 جاسقا جۇمىسقا ورنالاسۋعا، سونداي-اق ءبىلىم الۋعا كومەك كورسەتىلدى. بۇل تۋرالى ايماقتىق كومۋنيكاسيالار قىزمەتىندە وتكەن بريفينگتە شقو بەسقاراعاي اۋدانىنىڭ اكىمى داۋلەت باتىربايەۆ ءمالىم ەتتى.
بيىل بەسقاراعاي اۋدانىندا 105 ادام تۇراقتى جۇمىسپەن قامتاماسىز ەتىلدى. ونىڭ ىشىندە 3 ادام جاستار پراكتيكاسىنا جىبەرىلدى. الەۋمەتتىك جۇمىس ورىندارىنا 56 ادام، قوعامدىق جۇمىسقا 141 ادام تارتىلدى. ال 34 ادام قىسقا مەرزىمدى كۋرستارعا جولداما الدى. سونداي-اق «باستاۋ بيزنەس» جوباسى بويىنشا كاسىپكەرلىك نەگىزدەرىن وقىپ-ۇيرەنۋگە 45 ادام جىبەرىلدى.
– اعىمداعى جىلى اۋداندا كوللەدجدەر مەن جوعارى وقۋ ورىندارىنىڭ 22 تۇلەگى جۇمىسقا ورنالاستىرىلدى. سونداي-اق، مەديسينالىق ءبىلىمى بار 4 ستۋدەنت اۋداندىق ورتالىق اۋرۋحاناعا جۇمىسقا ورنالاستى، – دەدى داۋلەت باتىربايەۆ.
پىكىر قالدىرۋ