قازاقستاندا الەۋمەتتىك قىزمەتكەرلەرگە پسيحوەموسيونالدىق جانە فيزيكالىق جۇكتەمە ءۇشىن قوسىمشا اقى تولەۋ ۇسىنىلىپ وتىر.

 ستاسيونارلىق جانە جارتىلاي ستاسيونارلىق تيپتەگى مەديسينالىق-الەۋمەتتىك مەكەمەلەردە (ءپاللياتيۆتى كومەك بولىمشەلەرىن قوسپاعاندا) قوسىمشا اقى:

باسقارۋشى پەرسونالعا – لاۋازىمدىق ەڭبەكاقىنىڭ 30%، نەگىزگى پەرسونال قىزمەتكەرلەرىنە (الەۋمەتتىك قىزمەتكەرلەردى قوسپاعاندا) – 35%، الەۋمەتتىك قىزمەتكەرلەرگە – 40%، سانيتارلارعا – 40%.

ال ستاسيونارلىق جانە جارتىلاي ستاسيونارلىق تيپتەگى مەديسينالىق-الەۋمەتتىك مەكەمەلەردىڭ ءپاللياتيۆتى كومەك بولىمشەلەرىندە:

تاربيەشىلەرگە، بارلىق ماماندىقتاعى مەدبيكەلەرگە، سانيتارلارعا – 60%،  ۋاقىتشا بولۋ، ۇيدە قىزمەت كورسەتۋ ۇيىمدارىنداعى قىزمەتكەرلەرگە، باسقارۋشى پەرسونال –15%، نەگىزگى پەرسونال قىزمەتكەرلەرىنە (الەۋمەتتىك قىزمەتكەرلەردى قوسپاعاندا) –20%، الەۋمەتتىك قىزمەتكەرلەرگە – 35%، سانيتارلارعا – 20%.

جوبا "اشىق نقا" پورتالىندا 28 قازانعا دەيىن قوعامدىق تالقىلاۋعا شىعارىلعان. نەگىزدەمەسىندە الۋمەتتىك قىزمەت كورسەتۋ جۇيەسىندە بىلىكتى كادرلاردىڭ جەتىسپەيتىنى جازىلعان. بۇل جۇمىس قارقىندىلىعىنا سايكەس كەلمەيتىن تومەن جالاقىمەن بايلانىستى بولىپ وتىر.

الەۋمەتتىك قىزمەتكەرلەرگە تولەنەتىن قوسىمشا اقى ءۇشىن ءۇش جىلعا 25،1 ميلليارد تەڭگە نەمەسە جىل سايىن 8،37 ميلليارد تەڭگە قاراستىرىلعان ("2020-2022 جىلدارعا ارنالعان رەسپۋبليكالىق بيۋدجەت تۋرالى" زاڭ جوباسى).