الماتى قالاسىندا 4 كولىك سوعىسقان جول اپاتىنان ەكى ادام قازا تاپتى.بۇل تۋرالى قالالىق پوليسيا دەپارتامەنتىنىڭ باسپا ءسوز قىزمەتى حابارلادى.

پوليسيا دەپارتامەنتىنىڭ مالىمدەۋىنشە، وقيعا تۇنگى ساعات 01:40-تا الماتىنىڭ المالى اۋدانىندا بولعان. 1999 جىلى تۋعان الماتى وبلىسىنىڭ تۇرعىنى BمW اۆتوكولىگىن ماس كۇيدە جۇرگىزگەن. ول سەيفۋللين داڭعىلىنىڭ بويىمەن بوگەنباي باتىر كوشەسىنىڭ قيىلىسىندا باعدارشامنىڭ قىزىل تۇسىنە ءوتىپ كەتكەن. وسى كەزدە بوگەنباي كوشەسىمەن باتىس باعىتتا قاراي Audi ماركالى اۆتوموبيل كەتىپ بارا جاتقان. BMW بار جىلدامدىعىمەن كەلىپ، Audi كولىگىنە سوعىسقان. سوققى سالدارىنان Audi كوشە بويىنداعى باعاناعا جانە تالعا سوعىلىپ، ارى قاراي بارىپ Subaru Forester جانە Toyota Carina كولىكتەرىن سوققان.

جول-كولىك وقيعاسى سالدارىنان 1992 جانە 1993 جىلى تۋعان ەكى ادام ( Audi جولاۋشىلارى) وقيعا ورنىندا كوز جۇمدى. ءارتۇرلى دەنە جاراقاتىن العان التى ادام اۋرۋحاناعا جەتكىزىلدى.

«بۇل فاكت ق ر قك-نىڭ 345-بابى 4-بولىگى بويىنشا، سوتقا دەيىنگى تەرگەۋدىڭ ءبىرىڭعاي تىزىلىمىندە ەنگىزىلدى. ۆمW جۇرگىزۋشىسى دەرەۋ ۇستالىپ، ۋاقىتشا ۇستاۋ يزولياتورىنا قامالدى. اتالعان قىلمىستىق ءىستىڭ ماتەريالدارىن الماتى قالالىق روليسيا دەپارتامەنتىنىڭ تەرگەۋ باسقارماسى وندىرىسكە قابىلدادى»،– دەپ حابارلادى الماتى قالالىق پوليسيا دەپارتامەنتى.