جامبىل وبلىسى اۋماعىنداعى وندىرىستىك ماقساتتا پايدالانىلاتىن اۋىر جۇك كولىكتەرىنىڭ سالدارىنان حالىقارالىق، رەسپۋبليكالىق، وبلىستىق، اۋداندىق ماڭىزى بار اۋدانداردىڭ اۆتوكولىك جولدارىنىڭ مەرزىمىنەن بۇرىن بۇزىلماۋى ءجىتى نازارعا الىندى. وبلىس اكىمدىگىنىڭ سالالىق باسقارماسى مەن كولىكتىك باقىلاۋ ينسپەكسياسىمەن جۇرگىزىلگەن تەكسەرۋ، زەردەلەۋ، ءتيىستى شارالار قولدانۋ جۇمىستارى ءوز ناتيجەسىن بەرە باستادى، دەپ جازادى Qamshy.kz اقپارات اگەنتتىگى. 

وڭىردەگى وندىرىستىك نىساندار، تاۋ-كەن ورىندارىنىڭ ونىمدەرىن وڭدەۋشى ورىندار جەتكىزۋدە سوڭعى جىلدارى اۋىر جۇك كولىكتەرى كوپتەپ قولدىنىلۋدا.ال بۇل اۋىر جۇك كولىكتەرىنىڭ سالدارىنان اۆتوكولىك جولدارى جارامسىز كۇيگە تۇسۋدە. ول جولداردىڭ دەنى جەرگىلىكتى ماڭىزعا يە اۆتوكولىك جولدارى بولىپ تابىلادى. سوندىقتاندا جولدىڭ ساپاسىن باقىلاۋ، اسىرەسە جاڭا توسەلگەن اسفالت جابىندىسى مەرزىمىنەن بۇرىن توزۋدان ساقتاۋ ماقساتىندا وبلىس اكىمدىگىنىڭ سالالىق باسقارمالارى مەن كولىكتىك باقىلاۋ ينسپەكسياسىمەن بىرلەسكەن ءىس-شاراعا كىرىستى. ولار وبلىس جولدارىنداعى اۋىر جۇك كولىكتەرى جۇرەتىن اۋماعىندا ارنايى سالماق ولشەگىش كولىكپەن كەزەكشىلىك ۇيىمداستىرادى. كەزەكشىلىك كەزىندە ءتيىستى نورمانى كوزگە ىلمەگەن جۇك كولىك يەلەرىنە اكىمشىلىك حاتتاما تولتىرىلىپ، ايىپپۇلدار سالىندى. ماسەەن 2018 جىلدىڭ قاڭتار-قىركۇيەك ايلارىندا رۇقسات ەتىلگەن ولشەمدەردەن اساتىن جۇك الىپ وتكەن اۆتوكولىك يەلەرىنەن 172 ميلليون 500 مىڭ تەڭگە الىم جينالسا، بيىل بۇل كورسەتكى 123 ميلليون 800 مىڭ تەڭگەگە دەيىن ازايعان. سونداي-اق جىلجىمالى كولىكتىك باقىلاۋ پوستتارىندا زاڭ بۇزۋشىلىقتار بويىنشا وتكەن جىلدىڭ توعىز ايىندا 1282 دانا اكىمشىلىك حاتتاما تولتىرىلسا، اعىمداعى جىلدىڭ ەسەپتى كەزەڭىندە بۇل كورسەتكىش 30 پايىزعا دەيىن ازايىپ، قۇزىرلى ورگاندارمەن اۆتوكولىك جولىمەن جۇك الىپ ءجۇرۋدىڭ تالاپتارىن كوزگە ىلمەگەندەرگە قاتىستى 867 دانا اكىمشىلىك حاتتاما تولتىرىلىپتى. سايكەسىنشە اكىمشىلىك قۇقىق بۇزۋشىلىق ءۇشىن سالىنعان ايىپپۇل كولەمى دە جىل ساناپ ازايىپ كەلە جاتقاندىعىن اڭعارۋعا بولادى. ماسەلەن وتكەن جىلدىڭ قاڭتار-قىركۇيەك ايلارىندا جولدا جۇكپەن ءجۇرۋ تالاپتارىن ساقتاماعان كولىك يەلەرىنە 46 ميلليون 600 مىڭ تەڭگە ايىپپۇل سالىنسا، اعىمداعى جىلدىڭ ەسەپتى كەزەڭىندە بۇل سوما 10 ميلليون تەڭگەگە ازايعان. ءوز كەزەگىندە بۇل مالىمەتتەر وبلىس اۋماعىندا اۋىر كولىك يەلەرىنىڭ جۇك تاسىمالداۋدىڭ تالاپتارىنا كوندىگە باستاعانىن اڭعارتادى. جۇرگىزۋشىلەردىڭ زاڭ تااپتارىنا ءجۇردىم-باردىم قاراماۋىنا وڭىردەگى اۆتوبولىك جولدارىنىڭ بويىندا اشىلعان يندۋستريا جانە ينفراقۇرىلىمدىق دامۋ مينيسترلىگىنىڭ كولىك كوميتەتىنىڭ احۋالدىق ورتالىقتارىنىڭ دا كومەگى كولدەي. رۇقسات ەتىلگەن جۇكتەمەدەن اساتىن جۇك تيەۋگە تىيىم سالۋ بويىنشا وبلىس اكىمدىگىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىمەن جانە كەن ورىندار يەلەرىمەن قوسىمشا كەلىسىمدەر جاساۋ ماسەلەسى دە پىسىقتالۋدا.