تۇركىستانداعى اباتتاندىرۋ جۇمىستارى جۇزەگە اسىپ جاتقان “گۇلدەر ساياباعىنىڭ” ىرگەسىنەن شاينەك ۇلگىسىندەگى سۋبۇرقاق ىسكە قوسىلدى دەپ جازادى Qamshy.kz اقپارات اگەنتتىگى "وتىرار" پورتالىنا سىلتەمە جاساپ.

ۇلتتىق ويۋمەن ورنەكتەلگەن شاينەكتەن كەسەگە قۇيىلعان ءشايدىڭ كورىنىسىن بىردەن اڭعارۋعا بولادى. كرەاتيۆتى دۇنيە ارلى-بەرلى وتكەننىڭ تاڭدانىسىن تۋىنداتىپ جاتقانى دا جاسىرىن ەمەس.

تۇركىستان قالاسىنىڭ جازعى كليماتى وتە ىستىق بولعاندىقتان، تۇرعىندار بويۇسىنسا دا، كەلۋشىلەردىڭ ءاردايىم كوڭىلى اۋاتىن قۇبىلىسى – اۋا-رايى. سوندىقتان دا، دەمالىس ورىندارىن جانداندىرۋدى كوزدەگەن رۋحاني مەكەندە مىندەتتى تۇردە سۋبۇرقاقتار سانى ارتاتىن بولادى. ناتيجەسىندە، بوي سەرگىتىپ وتىرۋعا كەلگەن تۇرعىندارعا جايلىلىق پەن ىڭعايلىلىق سىيلايدى.
⠀
ايتا كەتەيىك، بۇل جوبا قالا اكىمى راشيد ايۋپوۆتىڭ باستاماسىمەن ىسكە اسىپ وتىر. “تۇركىستان جارىق-تازالىق” ج ش س مەردىگەرلىك ەتكەن ەرەكشە سۋبۇرقاق داستۇرگە ساي، زاماناۋي ءارى ەلىمىزدە العاش رەت بوي كوتەردى. مىستان جاسالعان جاڭا فونتاننىڭ بيىكتىگى 6 مەتر، ال ەنى 7 مەتردى قۇرايدى. قاعاز بەتىنە تۇسىرىلگەن تىڭ دۇنيەنى ۇيلەستىرۋدە 15 جۇمىسشى قىزمەت ەتتى. جاقىن ارادا تولىقتاي اياقتالىپ، تۇنگى ۋاقىتتا ءتۇرلى تۇسكە ەنىپ، كەشكى قالانىڭ اجارىن ايشىقتاي تۇسپەك.