تاراز قالاسىندا «رۋحاني جاڭعىرۋ» باعدارلاماسى اياسىندا جاستاردىڭ ينتەللەكتۋالدىق دەڭگەيىن ارتتىرۋعا باسا ءمان بەرىلۋدە. سوندىقتان دا ولاردىڭ ءوقىپ-بىلىم الۋىنا، جەكە ىزدەنىسىنە مول اشۋ ماسەلەسى كۇن تارتىبىنەن تۇسكەن ەمەس. ءوز كەزەگىندە بۇل جۇمىستارعا كىتاپحانالاردىڭ كوپ جىلدىق تاجىريبەسى كادەگە جاراپ كەلەدى، دەپ جازادى Qamshy.kz اقپارات اگەنتتىگى. 

قوعام ساناسىنا سىلكىنىس اكەلگەن باعدارلامانىڭ نەگىزگى ماقساتى وتكەندى تانۋ، تاريحتى قايتا جاڭعىرتۋ ارقىلى زاماناۋي سىن-قاتەرلەرگە توتەپ بەرە الاتىن باسەكەگە قابىلەتتى ۇرپاق تاربيەلەۋ ەكەنى ەشقانداي تالاس تۋدىرمايدى. بۇل ورايدا تاراز قالاسىندا جاستار جىلى اياسىندا ءبىرقاتار نىساندار اشىلدى. ماسەلەن شاھارداعى ميحايل شولوحوۆ اتىنداعى كىتاپحانادا «كوۆوركينگ» ورتالىقتارى اشىلدى. قازان ايىنىڭ سوڭىنا دەيىن تاراز قالالىق جاستار رەسۋرستىق ورتالىعىنىڭ عيماراتىندا ۇشقىر ويلى، تالاپتى ءھام زەرەكتەر مۇنداي نىسان جاستارعا ەسىگىن ايقارا اشپاق. «كوۆوركينگ» ورتالىقتارىمەن بىرگە ساياباقتاردا جازعى وقۋ زالىن ۇيىمداستىرۋ تاجىريبەسى دە تارازدىق جاستاردىڭ كوڭىلىنەن شىعۋدا. بۇل جوبا اعىمداعى جىلدىڭ ماۋسىم-تامىز ايلارىندا «ارمان»، «فرەسنو»، ق.رىسقۇلبەكوۆ، ت.رىسقۇلوۆ، ب. مومىش ۇلى اتىنداعى «جەڭىس» ساياباقتارىندا ۇيىمداستىرىلدى. بۇل وقۋ زالدارىندا جاستار جانعا سايا بولار ساياباقتىڭ ساف اۋاسىمەن تىنىستاپ، كىتاپ وقىپ قانا قويمايدى. «رۋحاني جاڭعىرۋ» باعدارلاماسى اياسىندا وتكىزىلەتىن ءىس-شارالاردىڭ بەلسەندى قاتىسۋشىسى اتانادى. ءوز كەزەگىندە بۇل ءىس-شارالار كىتاپ، گازەت-جۋرنال وقيتىن جاستاردى ىنتالاندىرىپ، ولاردىڭ ارەكەتتەرگە كوپشىلىككە ۇلگى ەتۋگە باعىتتالادى. ءارى بۇل شارالار بارىسىندا كىتاپحانالاردىڭ تۇراقتى وقىرمانى سانالاتىن قالا جاستارى كوپشىلىككە كىتاپحانالار قورىنداعى جاڭا تۋىندىلار جايىندا اقپارات بەرەدى. سونىمەن قاتار مەرزىم باسىلىمداردىڭ بەتىنە جاريالانعان ماقالالار دا كەڭىنەن ناسيحاتتالادى.

سايكەسىنشە ساياباقتارداعى جازعى وقۋ زالى جوباسىنىڭ اياسىندا كىتاپحانالاردىڭ قىزمەتىن تۇتىناتىن جاستاردىڭ سانى ارتتى. سايىپ كەلگەندە بۇل شارانىڭ بارلىعى دەرلىك جاڭا زامان تەحنولوگيالىق قۇرالدارىن كۇندەلىكتى ومىرلەرىنىڭ بولشەگىنە اينالدىرعان قالا جاستارىنىڭ كوڭىلىن كوركەم ادەبيەتكە اۋدارۋ ماقساتىندا جاسالىپ وتىر. ال مامىر ايىندا مەكتەپ وقۋشىلارى اراسىندا تۇندىگىن تۇرگەن «كىتاپ وقىپ، ميلليونەر بول» بايقاۋى دا جاسورەندەردىڭ ەرەكشە قىزىعۋشىلىعىن تۋعىزدى.