مينيستر نۇرسۇلتان نازاربايەۆتىڭ جاقىندا "حابار" ارناسىندا بەرگەن سۇقباتى تۋرالى: "ەلباسى وسىنداي كولەمدى سۇقبات بەرۋدىڭ ءساتىن كۇتتى. بۇعان تاڭ قالمايمىن. ەلباسىنىڭ بۇرىنعى باسپا ءسوز حاتشىسى رەتىندە ايتارىم، ول ەلىمىزدە بولىپ جاتقان جاعدايدى ۇنەمى باقىلاپ، وقيعالاردان  حاباردار بولىپ وتىرادى"، - دەدى.

مينيستر كوپشىلىكتىڭ كوكەيىندە تۋىنداعان قازاقستانداعى "قوس بيلىك" تۋرالى دا ءوز ويىن ايتتى. 

"بىرىنشىدەن، ەلباسى پرەزيدەنتتىڭ جۇمىسىنا ارالاسقان ەمەس، ارالاسپايدى دا. مۇنىڭ ءبارى  قاتاڭ كونستيتۋسيالىق زاڭمەن قورعالعان. ەكىنشىدەن، توقايەۆ – ەكىنشى نازاربايەۆ ەمەس. ونىڭ وزىندىك باسقارۋ ءستيلى، ءوز كوزقاراسى بار. سوندىقتان پرەزيدەنت ءوز جۇمىسىندا جاڭا فورمات قولدانا باستاعاندا اركەز "قوس بيلىك" تۋرالى تاقىرىپتى كوتەرە بەرۋدىڭ قاجەتى جوق. ۇشىنشىدەن، اسا ماڭىزدى ماسەلە جونىندە پرەزيدەنت ەلباسىمەن كەڭەسەتىنىن ەلباسى دا، پرەزيدەنت دە ايتتى. مۇنىڭ ءبارى كەزدەيسوقتىڭ ەمەس. سەبەبى، ەلباسىنىڭ ەل باسقارۋ ىسىندە تالاي جىلعى تاجىريبەسى بار. تابىستى بولعانىن دا اتاپ ايتۋ كەرەك. بۇگىندە ەلباسىنان  وزگە ەلدىڭ باسشىلارى دا كەڭەس سۇرايدى "، - دەدى ابايەۆ.