دەنساۋلىق ساقتاۋ مينيسترلىگى كەشكى 20.00-دەن تاڭعى 09.00-گە دەيىن تىنىشتىقتى بۇزۋعا تىيىم سالۋدى ۇسىنىپ وتىر دەپ حابارلايدى Qamshy.kz اقپارات اگەنتتىگى Sputnik قازاقستان  سايتىنا سىلتەمە جاساپ.

"تىنىشتىقتى بۇزۋ تۋرالى 437-باپ قايتا قارالدى. قازىرگى 23.00-دەن تاڭعى 06.00-گە دەيىنگى ۋاقىتتى 20.00-دەن تاڭعى 09.00-گە دەيىن وزگەرتۋ ۇسىنىلىپ وتىر"، - دەلىنگەن دەنساۋلىق ساقتاۋ ءمينيسترى ەلجان ءبىرتانوۆتىڭ "حالىق دەنساۋلىعى جانە دەنساۋلىق ساقتاۋ جۇيەسى تۋرالى" كودەكس جوباسى جايلى بايانداماسىندا.

سونداي-اق، زاڭ جوباسىندا تۇرعىن ءۇي عيماراتتارىندا جانە تۇرعىن ءۇي قۇرىلىسى اۋماعىندا ورنالاسقان ويىن-ساۋىق مەكەمەلەرىنە جۇمىس كۇندەرى كەشكى 22.00-دەن تاڭعى 06.00-گە دەيىن، ال دەمالىس جانە مەرەكە كۇندەرى كەشكى 23.00-دەن تاڭعى 10.00-گە دەيىن تىنىشتىقتى بۇزۋعا تىيىم سالۋ كوزدەلگەن.

اكىمشىلىك قۇقىق بۇزۋشىلىق تۋرالى كودەكستىڭ 437-بابىنا سايكەس، تىنىشتىقتى بۇزعانى ءۇشىن جەكە تۇلعالارعا – 5 اەك (12 625 تەڭگە)، شاعىن كاسىپكەرلىك سۋبەكتىلەرىنە – 10 اەك (25 250 تەڭگە)، ورتا كاسىپكەرلىك سۋبەكتىلەرىنە – 15 اەك (37 875 تەڭگە)، ءىرى كاسىپكەرلىك سۋبەكتىلەرىنە 50 اەك (126 250 تەڭگە) ايىپپۇل سالىنادى.

ەگەر اكiمشiلiك جازادان كەيiن، زاڭ بۇزۋشىلىق بiر جىل iشiندە تاعى قايتالانسا، وندا ايىپپۇل سوماسى ەكى ەسەلەنەدى.