جاڭاوزەندە قالالىق سوتتىڭ سۋدياسى پارا العانى ءۇشىن سوتتالدى، – دەپ Qamshy.kz اقپارات اگەنتتىگى حابارلايدى، ماڭعىستاۋ وبلىسىنىڭ سىبايلاس جەمقورلىققا قارسى قىزمەتىنە سىلتەمە جاساپ.

 حاتتامانىڭ مالىمەتىنە سۇيەنسەك، جاڭاوزەن قالالىق سوتىنىڭ سۋدياسى ا.س.سەيلحانوۆاعا جانە قالا اكىمدىگىنىڭ تكش باس مامانى ا.ە. اقنازاروۆقا قاتىستى سىبايلاس جەمقورلىق قىلمىس جاسادى دەگەن كۇدىك بويىنشا سوتقا دەيىنگى تەرگەۋ اياقتالدى.

دەرەككوزدە، سەيلحانوۆا جاڭاوزەن قالالىق جەر قاتىناستارى ءبولىمىنىڭ تالاپ ارىزىن قاراۋسىز قالدىرۋ تۋرالى وكىم شىعارعانى ءۇشىن اقنازاروۆ ا.ە. ارقىلى 500 مىڭ تەڭگە كولەمىندە پارا الدى دەگەن كۇدىككە ىلىنگەن. اتالعان فاكتىنى سىبايلاس جەمقورلىققا قارسى قىزمەت ىشكى قاۋىپسىزدىك جانە جوعارعى سوتتاعى سىبايلاس جەمقورلىقتىڭ الدىن الۋ بولىمىمەن بىرلەسىپ انىقتادى.

 قىلمىستىق ءىس بويىنشا اقتاۋ قالالىق سوتىنىڭ ۇكىمىمەن سەيلحانوۆا سوتتالىپ، 3 جىل مەرزىمگە باس بوستاندىعىنان ايىرۋ جازاسى تاعايىندالدى. ودان وزگە سوت ۇكىمىمەن اقنازاروۆ تا سوتتالىپ، 1 جىل باس بوستاندىعىنان ايىرۋ جازاسى بەلگىلەندى. سونداي-اق سوتتالعانداردىڭ مەملەكەتتىك قىزمەتتە لاۋازىمدى قىزمەتپەن اينالىسۋ قۇقىعىنان ءومىر بويىنا ايىرىلعانى جازىلعان.