مۇز بەن قاردىڭ سالدارىنان رەسپۋبليكانىڭ ءبىرقاتار باعىتتارى كولىك قوزعالىسىندا جابىق كۇيىندە قالىپ وتىر.
«قازاقاۆتوجول» كاسىپورنىنىڭ حابارلاۋىنشا، شىعىس قازاقستان وبلىسىندا قاردىڭ كوپ تۇسۋىنە بايلانىستى جولداردا جۇك جانە جولاۋشىلار تاسىمالى شەكتەلگەن:
«وسكەمەن - ريددەر - رف شەكاراسى» (15-105 كم، بەلوۋسوۆكا اۋىلى - ريددەر قالاسى)
«وسكەمەن - التاي - كاتونقاراعاي - راحمانوۆسكيي كىلتتەرى» (6-66 كم، ۋشانوۆسكوە اۋىلى - سەرەبريانسك قالاسى).
ەلىمىزدە مۇزدىڭ سالدارىنان الماتى - وسكەمەن تاس جولىندا (778-967 شاقىرىم، اياگوز قالاسى - قالباتاۋ اۋىلى) جۇك جانە جولاۋشىلار تاسىمالى ءۇشىن جابىق بولسا، الماتى - وسكەمەن تاس جولىنىڭ قالباتاۋ اۋىلىنان قاسىم قايسەنوۆ اۋىلىنا دەيىنگى ۋچاسكەسىندە (971-1068 كم) قوزعالىس تا شەكتەلدى.
وبلىستىق شىعىس جولدىڭ حابارلاۋىنشا، وسكەمەن-تارعىن-سامارس جولى (62-145 كم، تارعىن-سامارسكوە اۋىلى) تىركەمەسى بار جۇك ماشينالارى ءۇشىن جابىلدى.
پىكىر قالدىرۋ