ۇكىمەت ساعاتىندا ق ر ءبىلىم جانە عىلىم ءمينيسترى اسحات ايماعامبەتوۆ الىپپەگە قاتىستى ارنايى جۇمىس توبىن قۇرعانىن مالىمدەدى.
"الىپپەگە قاتىستى ماسەلە كوپتەن بەرى كوتەرىلىپ ءجۇر. بۇل شىن مانىنە وتە ماڭىزدى. بيىل تامىز كەڭەسىندە وسى ماسەلەگە جەكە توقتالدىق. ءقازىر ءتيىستى جۇمىس توبى قۇرىلدى. ءبىزدىڭ ايتىپ وتىرعانىمىز، الىپپەنى مەكتەپكە ەنگىزۋ كەرەك جانە وندا ەشقانداي ەكسپەريمەنت كەرەك ەمەس. احمەت بايتۇرسىنوۆتىڭ ادىستەمەسى بار، سول ادىستەمەدەن باسقا ەشتەڭە ويلاپ تابۋ قاجەت ەمەس"، – دەدى مينيستر.
سونداي-اق ا.ايماعامبەتوۆ تالقىلاۋ بارىسىندا وقۋلىقتاردى دايارلاۋ، تالداۋ شارالارىنا ايتىلعان سىنداردى ەسكەرىپ، ماسەلەلەردى شەشۋ ءۇشىن وقۋلىقتاردىڭ ساپاسىن جاقسارتۋ جانە ساراپتاۋ تەتىگىن جاڭارتۋ بويىنشا جۇمىس جۇرگىزىلەتىن ايتتى.
پىكىر قالدىرۋ