تاراز قالاسىندا «رۋحاني جاڭعىرۋ» باعدارلاماسى اياسىندا «مۇراجايلار شەرۋى» رەسپۋبليكالىق اكسياسىنا قولداۋ ءبىلدىرۋ ماقساتىندا «كونە تاراز» تاريحي-مادەني كەشەنىندە «ەجەلگى تاراز ەسكەرتكىشتەرى» مەملەكەتتىك تاريحي-مادەني قورىق مۇراجايىنىڭ ۇيىمداستىرۋىمەن «كونە شاھارداعى مىڭ ءبىر ءتۇن» تەاترلاندىرىلعان قويىلىمى ءوتتى. قازان ايىنىڭ 18-جۇلدىزىنان 19-جۇلدىزىنا قاراعان تۇندە كەشكى ساعات سەگىزدەن باستاۋ العان قويىلىم تاڭعى ساعات ۇشكە دەيىن جالعاستى، دەپ جازادى Qamshy.kz اقپارات اگەنتتىگى. 

بۇل شارادا شاھار تۇرعىندارى مەن قوناقتارى ورتاعاسىردا كوپەستەر مەن قولونەرشىلەردىڭ قالاسى اتانعان تارازدىڭ تاريحي بەينەسىن كوزبەن كورۋگە مۇمكىندىك الدى. سونداي-اق بۇل كۇنى تارازدىقتار قاراحان مەن ءايشا-بيبى اراسىنداعى تاريحي ماحاببات داستانىنىڭ بەل ورتاسىنا ەندى. «ەجەلگى تاراز ەسكەرتكىشتەرى» مەملەكەتتىك تاريحي-مادەني قورىق مۇراجايىنىڭ باسشىلىعى «كونە شاھارداعى مىڭ ءبىر ءتۇن» شاراسى جامبىل ولكەسىنىڭ مادەنيەتى مەن تاريحىنىڭ كوپشىلىك بىلە بەرمەيتىن قىرىن تانىتۋعا ارنالعانىن ايتادى. سونىمەن قاتار، ولاردىڭ ايتۋىنشا بۇل تۇندە مۇراجايداعى تاريحي تۇلعالار مەن اڭىز-اڭگىمە كەيىپكەرلەرىمەن سۋرەتكە تۇسۋگە دە جاعداي جاسالدى.

ايتا كەتۋ كەرەك بۇگىندە «كونە تاراز» تاريحي-مادەني كەشەنىندە قازاقستاننىڭ كيەلى جەرلەرىنىڭ تىزىمىنە ەنگەن تاراز قالاشىعىنا قازبا جۇمىستارى اياقتالىپ، قالا ورنىنا اسپاناستى مۇراجايى جاسالىنعان. ءبىزدىڭ زامانىمىزدىڭ ءى عاسىردان باستاپ ساۋدا-ساتتىقتىڭ، ۇلى جىبەك جولى بويىندا مادەني-ەكونوميكالىق بايلانىستىڭ ءىرى ورداسى بولعان تاراز قالاسى قازاق تاريحىنىڭ ءتۇرلى كەزەڭدەرىن باستان وتكەرگەن. 2011 جىلعا دەيىن 1 عاسىر بويى بۇل ماڭدا ورتالىق بازار قىزمەت كورسەتكەن. ارحەولوگيالىق-عىلىمي زەرتتەۋ جۇمىستارىنا بايلانىستى ساۋدا ورتالىعى كوشىرىلدى. تاريحشى عالىمداردىڭ بولجامى ا-دەگەننەن دۇرىس شىقتى. بۇگىنگى كۇنگە دەيىن مۇندا جۇرگىزىلگەن عىلىمي زەرتتەۋ جۇمىستارىنىڭ ناتيجەسىندە 50 مىڭعا جۋىق جادىگەر تابىلدى. سونىمەن بىرگە عالىمدار كونە بازاردىڭ ورنىنان ورتاعاسىرلىق قامال مەن VI-Xءىى عاسىرلارعا جاتاتىن مەشىت، مەدرەسەنىڭ ورنىن تاپتى. ءتىپتى مۇندا وتقا تابىنۋشىلاردىڭ ارنايى ورنى بولعاندىعى دا انىقتالعان.

«ەجەلگى تاراز ەسكەرتكىشتەرى» مۇراجايىنا ءدال وسى قازبا جۇمىستارى كەزىندە تابىلعان 2مىڭعا جۋىق جادىگەرلەر قويىلعان. بۇل جادىگەرلەردىڭ تاعى ءبىر ەرەكشەلىگى ولاردىڭ ءتۇرلى داۋىرگە جاتۋىندا. سونداي-اق ولاردىڭ تاراز ولكەسىندە ۇستەمدىك قۇرعان ءارتۇرلى مەملەكەتتەردىڭ كەزىندە ءارقيلى ۇلگىمەن سوعىلۋى دا قىزىعۋشىلىق تۋعىزادى.

ءقازىر مۇراجاي ماڭىنان «شاحريستان» تاريحي-مادەني كەشەنىنىڭ قۇرىلىسى جۇرگىزىلۋدە. ءوز كەزەگىندە بۇل نىساندى «كونە تاراز» ارحەولوگيالىق كەشەنىمەن بىرىگىپ قازاقستانداعى ەڭ ۇلكەن تۋريستىك ورتالىققا اينالدىرۋ جوسپارلانىپ وتىر.