وسىدان ەكى جىل بۇرىن قازاقستان رەسپۋبليكاسى تۇڭعىش پرەزيدەنتى-ەلباسى نۇرسۇلتان نازاربايەۆتىڭ قازاقستاندىقتارعا ارنالعان جولداۋىندا قوعام ءومىرىنىڭ بارلىق سالاسىندا ۇسىنىلاتىن قىزمەت تۇرلەرىن وڭتايلاندىرۋ ماقساتىندا «سيفرلىق قازاقستان» باعدارلاماسىن ەنگىزۋ جايى ايتىلعانى بەلگىلى. سودان بەرگى ارالىقتا شىن مانىندە ءبىرقاتار سالالار سيفرلاندىرۋدىڭ شاراپاتىن تولىق سەزىنىپ ۇلگەردى. اسىرەسە، دەنساۋلىق ساقتاۋ سالاسىن ەلەكتروندى فورماتقا كوشىرۋ ەل تۇرعىندارىنا ۇسىنىلاتىن مەديسينالىق قىزمەت ساپاسىن ارتتىرۋعا جول اشتى، دەپ جازادى Qamshy.kz اقپارات اگەنتتىگى. 

دەنساۋلىق ساقتاۋ سالاسىن دامىتۋ مەن مەديسينالىق ەمدەۋ جانە الدىن الۋ مەكەمەلەرىنىڭ قىزمەت كورسەتۋ ساپاسىن ارتتىرۋدا سالانى سيفرلاندىرۋدىڭ پايداسىن مەديسينا قىزمەتكەرلەرى دە جوققا شىعارمايدى. ءوز كەزەگىندە سيفرلاندىرۋ قىزمەت ساپاسىن ارتتىرىپ قانا قويماي، دارىگەرلەردى قاعازباستىلىقتان ارىلتۋعا كومەك بەرۋدە.

ءقازىر وبلىس بويىنشا 4952 مەديسينالىق قىزمەتكەردىڭ جۇمىس ورنى 100 پايىز كومپيۋتەرمەن قامتاماسىز ەتىلگەن. سونداي-اق ءوڭىر تۇرعىندارىنا مەديسينالىق قىزمەت ۇسىناتىن 391 مەكەمەنىڭ 383ء-ى ينتەرنەت جەلىسىنە قوسىلعان. بۇل جامبىلدىق دەنساۋلىق ساقتاۋ مەكەمەلەرىنىڭ 98 پايىزىنىڭ ينتەرنەت جەلىسىنە قوسىلعانىن ايعاقتايدى. ينتەرنەتكە قول جەتىمدىلىك بويىنشا تاراز قالاسى مەن اۋدان ورتالىقتارىندا ەشقانداي ماسەلە جوق. ال ازىرگە عالامتور مۇمكىندىگى قاراستىرىلماعان 9 مەكەمە جىل سوڭىنا دەيىن بۇكىل عالامدىق جەلىگە قوسىلاتىن بولادى.

–وڭىردەگى مەديسينالىق ۇيىمداردىڭ بارلىعى مەديسينالىق اقپاراتتىق جۇيەcىنە قوسىلعان. اقپاراتتىق جۇيەگە 1 068 261 ەلەكتروندىق دەنساۋلىق پاسپورتى ەنگىزىلگەن. بۇل «حالىقتى تىركەۋ رەگيسترى» بويىنشا اقپاراتتىق جۇيەسىندە تىركەلگەن 1 121 133 حالىق سانىنىڭ 94،6 پايىزىن قۇرايدى. بۇگىنگى تاڭدا 233 باستاپقى مەديسينالىق قۇجاتتاما نىسانىنىڭ 203ء-ى تولىعىمەن ساندىق فورماتتا مەديسينالىق اقپاراتتىق جۇيەلەرىنە ەنگىزىلگەن. «Damu Med» مەديسينالىق اقپاراتتىق جۇيەcىندەگى موبيلدىك قوسىمشاعا 45 714 ادام تىركەلگەن. ناتيجەسىندە وبلىس تۇرعىندارىنىڭ ەمحانالارعا كەلۋ كورسەتكىشى 16 پايىزعا تومەندەگەن. ال ءموبيلدى قوسىمشالار ارقىلى الدىن-الا دارىگەرلەردىڭ قابىلداۋىنا جازىلۋ ناتيجەسىندە كەزەك كۇتۋ كورسەتكىشى دە 30 پايىزعا كەمىگەن، –دەيدى وبلىس اكىمدىگىنىڭ دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ.