جامبىل وبلىسى، مەركى اۋدانى، وقۋشىلار «ءۇمىت» سارايىندا وتاندىق، قازاق كومپوزيتورلارىنىڭ شىعارماشىلىعىن قولداۋ، جاسوسپىرىمدەر شىعارماشىلىقتارىن دامىتۋ، بالالاردىڭ بويىندا مۋزىكالىق-ەستەتيكالىق تاربيەنى جەتىلدىرۋ، شەبەرلىكتەرىن شىڭداۋ ماقساتىندا اۋدان مەكتەپتەرى اراسىندا «ونەرگە قانات قاققاندار» اتتى ءان بايقاۋى بولىپ ءوتتى.

-بۇل بايقاۋعا ۆوكالدىق توپتار، دۋەت، تريو، كۆارتەت، انسامبل حور قاتىستى. بايقاۋعا قاتىسۋشىلار، الدىمەن مەكتەپ، نەمەسە شەت ەل بالالار كومپوزيتورلارىنىڭ اندەرىن ورىنداۋى ءتيىس. سول سياقتى، كىشى توپ، ورتا توپ، جوعارعى توپ بولىپ، جاس ەرەكشەلىكتەرىنە قاراي ءبولىندى. مۋزىكانىڭ كاسىبي دەڭگەيدەگى وڭدەلۋى، ءاندى شەبەر ورىنداۋى، ساحنا مادەنيەتى، ميكروفوندى مەڭگەرۋى، كيىم ۇلگىسى دە باعالاندى،- «ءۇمىت» سارايىنىڭ قوسىمشا ءبىلىم بەرۋ پەداگوگى ءا.بورانقۇلوۆا.

ساز سايىسىندا 28 مەكتەبىنىڭ «اي-ارۋ» دۋەتى، №20 مەكتەبىنىڭ «جاستار» دۋەتى، №5 مەكتەبىنىڭ «جاينا» كۆارتەتى، №3 مەكتەبىنىڭ «ايسافي كۆارتەتى، №14 مەكتەبىنىڭ «ميۋزيك لايف»، №7 مەكتەبىنىڭ «بالداۋرەن» ،№1 مەكتەبىنىڭ «الاۋ»، №16 مەكتەبىنىڭ «ديارت» تريوسى، ۇستاز تۋرالى اندەردى شىرقادى. ال، №6 مەكتەبىنىڭ «كاۋسار» دۋەتى، №11 مەكتەپتەن كەلگەن «جىگىتتتەر كۆارتەتى، №13 مەكتەپتەن «ادەمى-اي» دۋەتى، №9 مەكتەبىنىڭ «ارمان» دۋەتى، №35 مەكتەبىنىڭ «قىزدار» دۋەتى، №15 مەكتەبىنىڭ ونەرپازى قالىش ولجاس، №5 مەكتەبىنىڭ «سامعا» تريوسى پاتريوتتىق اندەردى ورىنداپ بەردى. كەزەك اسپاپتا ويناۋعا بەرىلىپ، №2 ساز مەكتەبىنىڭ وقۋشىلارى قادىروۆا اياۋلىم، جانداۋلەتوۆ ميراس، ءپىرنازاروۆا ءلازات، مارات قىزى ارۋنا حالىق كۇيلەرى. «ەل ايىرىلعان»، «تەپەڭكوك»، م.تىلەۋحاننىڭ شىعارماسى «اڭساعانىم»، جاياۋ مۇسانىڭ «اق سيسانى»شەبەر ورىندادى. وقۋشىلار»ءۇمىت» سارايىنىڭ «جىبەك جولى» بي توبى «ياكۋت» ءبيىن ىرعاقتى قيمىل بيىمەن بەينەلەپ، كونە داۋىردە ءومىر تالابىنان، تابيعات قۇبىلىستارىن، اڭشىلىق جانە سوعىس كورىنىستەرىن بەلگىلى جۇيەگە تۇسكەن بي-ونەرى نوميناسياسى بويىنشا توگىلتە بيلەدى.

قازىلار القاسىنىڭ شەشىمى بويىنشا 8-10 جاس ارالىعىنداعى ۆوكال جانرىنان باس جۇلدە №28 مەكتەپبىنىڭ «اي-ارۋ» دۋەتىنە بۇيىردى. ال 11-13 جاسار بۇلدىرشىندەر اراسىندا № 3 مەكتەبىنىڭ «قارلىعاش» توبى كوش باستادى. 14-16 جاستاعى ونەرپازدار اراسىندا №6 مەكتەبىنىڭ وقۋشىلارى «كاۋسار» دۋەتى ەشكىمگە دەس بەرمەدى. مانەرلەپ وقۋ سايىسىندا №44 مەكتەبىنىڭ وقۋشىسى ەڭسەبەك وسەر 1-ورىندى يەلەنسە، قولونەر سايىسىندا № 1 مەكتەبىنىڭ وقۋشىسى قازبەك ەلدانا ۇزدىك اتاندى.