شاعىن جانە ورتا كاسىپكەرلىك-مەملەكەتتىك ساياساتتىڭ باستى باعىتتارىنىڭ ءبىرى. ويتكەنى، بيزنەس دامىسا، ەلدىڭ دە ەڭسەسى تىكتەلەدى. الەۋمەتتىك الەۋەتى ارتادى. سوندىقتان دا بولار، مەملەكەت باسشىسى قاسىم-جومارت توقايەۆ «سىندارلى-قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ كەپىلى» اتتى حالىققا ارناعان جولداۋىندا وسى ماسەلەگە تاعى ءبىر مارتە توقتالىپ، ۇكىمەت پەن اكىمدەرگە ناقتى مىندەتتەر جۇكتەدى.

بۇگىندە «دامۋ» كاسىپكەرلىكتى دامىتۋ قورىنىڭ ايماقتىق فيليالى «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى اياسىندا تىندىرىمدى تىرلىكتەرگە ۇيىتقى بولۋدا. 2018 جىلى «ەڭبەك» باعدارلاماسى بويىنشا 1 ميلليارد 232 ميلليون تەڭگە ءبولىنىپ، دامۋ قورى بۇل قاراجاتتى ەكىنشى دەڭگەيلى 6 بانككە ورنالاستىرعان بولاتىن. اتاپ ايتقاندا: «سبەربانك» ەب اق – 385،6 ميلليون تەڭگە، «قازاحستان حالىق بانكى» اق – 352،2 ميلليون تەڭگە؛ «Forte Bank» اق - 220 ميلليون تەڭگە؛ «اتف بانك» اق – 130 ملن. تەڭگە، «بانك سەنتركرەديت» اق - 100 ميلليون تەڭگە؛ «ەۆرازيالىق بانك» اق – 45 ميلليون تەڭگە ءبولىنىپ، يگەرىلۋدە. بۇگىندە، وسى بولىنگەن قاراجات 99 پايىز يگەرىلدى. ناتيجەسىندە 109 جوبا نەسيەلەندىرىلدى. سونىڭ ىشىندە تاراز قالاسى بويىنشا – 99، قاراتاۋ قالاسى بويىنشا – 6، جاڭاتاس قالاسى بويىنشا – 4 جوبا بار.

ال، اعىمداعى جىلى وسى باعدارلامانى ىسكە اسىرۋ ءۇشىن 1 ميلليارد 036 ميلليون تەڭگە ءبولىندى. بۇگىنگى كۇنى ونىڭ 550،0 ملن. تەڭگەسى «سبەربانك» ەب، «قازاحستان حالىق بانكى»، «Forte Bank» اكسيونەرلىك قوعامدارىنا ورنالاستىرىلعان. قالعان 486،6 ميلليون تەڭگە قارجى سوماسى يگەرىلۋىنە قاراي ورنالاستىرىلاتىن بولادى.

وسى باعدارلامانى ىسكە اسقاننان بەرى وبلىستا جالپى ميكرونەسيە سوماسى 2 ميلليارد 120 ميلليون تەڭگەنى قۇرايتىن 189 جوبا قارجىلاندىرىلدى. ونىڭ ىشىندە قوردىڭ كەپىلدىگىمەن 77 جوبا، ياعني بۇل رەتتە ولاردىڭ جالپى نەسيە سوماسى 825،1 ميلليون تەڭگەنى، ال قوردىڭ كەپىلدىگىنىڭ جالپى سوماسى 425،7 ميلليون تەڭگەنى قۇراپ وتىر.

اعىمداعى جىلدىڭ 6 ايىندا جالپى نەسيە سوماسى 791،5 ميلليون تەڭگەنى قۇرايتىن 67 جوبا قارجىلاندىرىلعان. ونىڭ 19 جوباسى «دامۋ» قورىنىڭ كەپىلدىگى كومەگىمەن جۇزەگە اسقان.

بۇل باعىتتاعى جۇمىس الداعى ۋاقىتتا دا جالعاسا بەرەتىن بولادى.