مەملەكەت باسشىسى قاسىم-جومارت توقايەۆ «سىندارلى-قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ كەپىلى» اتتى حالىققا ارناعان جولداۋىندا شاعىن جانە ورتا كاسىپكەرلىكتى دامىتۋ بويىنشا ناقتى مىندەتتەر جۇكتەلدى. قازىرگى تاڭدا جامبىل وبلىسىندا دا بۇل باعىتتا قىرۋار جۇمىستار اتقارىلۋدا. اسىرەسە، «دامۋ» كاسىپكەرلىكتى دامىتۋ قورىنىڭ ايماقتىق فيليالى تاراپىنان بايىپتى باعدارلامالار لايىقتى جۇزەگە اسۋدا. مىسالى، جامبىل جەرىندە باسىم جوبالاردى كرەديتتەۋ تەتىگى قاراستىرىلعان. بۇل باعدارلاما 2018 جىلدان باستاپ ىسكە اسىرىلۋدا جانە ونى ىسكە اسىرۋ كەزىندە دامۋ قورى كرەديتتەر بويىنشا سىياقى ستاۆكاسىن سۋبسيديالاۋ جانە كرەديتتەرگە ءىشىنارا كەپىلدىك بەرۋ قۇرالدارى بويىنشا جەكە كاسىپكەرلىك سۋبەكتىلەرىنە قارجىلىق قولداۋ كورسەتە وتىرىپ، قارجى اگەنتتىگىنىڭ فۋنكسيالارىن جۇزەگە اسىرادى.

جامبىل وبلىسىندا بۇل باعدارلاما بويىنشا بيىل جالپى نەسيە سوماسى 191 ميلليون تەڭگەنى قۇرايتىن 4 جوبا ماقۇلداندى، ونىڭ 3 بويىنشا سۋبسيديالاۋ شارتتارى ءتۇزىلدى. سۋبسيديالاۋ شارتتارى تۇزىلگەن جوبالار بويىنشا جالپى نەسيە سوماسى 61 ميلليون تەڭگەنى قۇراپ وتىر.

اعىمداعى جىلدىڭ 16 شىلدەسىنەن باستاپ سوڭعى قارىز الۋشى ءۇشىن سىياقى ستاۆكاسى جىلدىق 6 پايىزعا دەيىن تومەندەتىلەتىن تۇزەتۋلەر كۇشىنە ەندى.

سونىمەن قاتار ايماقتىق فيليال «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى اياسىندا دا ناقتى جۇمىستاردى ىسكە اسىرۋدا.

ايتا كەتۋ كەرەك، بۇل باعدارلاما 2017 جىلى ىسكە قوسىلدى. وسى باعدارلاما شەڭبەرىندە دامۋ قورى رەسپۋبليكالىق جانە جەرگىلىكتى بيۋدجەتتەردەن بولىنگەن قاراجاتتى ءىسىن جاڭا باستاعان كاسىپكەرلەر مەن ستارتاپ-جوبالاردى نەسيەلەندىرۋ ءۇشىن، ەكىنشى دەڭگەيلى بانكتەر مەن ميكروقارجىلىق ۇيىمدارعا ورنالاستىراتىن قارجى وپەراتورىنىڭ فۋنكسياسىن ورىنداۋدا.

جامبىل وبلىسىندا بۇل باعدارلاما تاراز، قاراتاۋ جانە جاڭاتاس قالالارىندا جۇزەگە اسىرىلۋدا. 2018 جىلى «ەڭبەك» باعدارلاماسى بويىنشا 1 ميلليارد 232 ميلليون تەڭگە ءبولىنىپ، دامۋ قورى بۇل قاراجاتتى ەكىنشى دەڭگەيلى 6 بانككە ورنالاستىرعان بولاتىن. اتاپ ايتقاندا: «سبەربانك» ەب اق – 385،6 ميلليون تەڭگە، «قازاحستان حالىق بانكى» اق – 352،2 ميلليون تەڭگە؛ «Forte Bank» اق - 220 ميلليون تەڭگە؛ «اتف بانك» اق – 130 ملن. تەڭگە، «بانك سەنتركرەديت» اق - 100 ميلليون تەڭگە؛ «ەۆرازيالىق بانك» اق – 45 ميلليون تەڭگە ءبولىنىپ، يگەرىلۋدە.