دۇنيەجۇزىلىك جانۋارلار دەنساۋلىعىن ساقتاۋ ۇيىمىنىڭ رەسمي سايتى قۇس تۇماۋىنان تازا مەملەكەتتەر تۋرالى اقپارات جاريالادى. ونىڭ ىشىندە قازاقستان دا بار، دەپ حابارلايدى اۋىل شارۋاشىلىعى مينيسترلىگىنىڭ باسپا ءسوز قىزمەتى.
بۇل – قازاقستان رەسپۋبليكاسىنىڭ بارلىق ۆەتەرينارلىق قىزمەتىنىڭ، ونىڭ ىشىندە اۋىل شارۋاشىلىعى مينيسترلىگىنىڭ، ۆەتەرينارلىق باقىلاۋ جانە قاداعالاۋ كوميتەتىنىڭ، قازاق ۆەتەريناريا عىلىمي-زەرتتەۋ ينستيتۋتى ۇجىمدارىنىڭ ۇلكەن ەڭبەگى.
قۇس شارۋاشىلىعى سالاسى قازاقستاننىڭ اگروونەركاسىپ كەشەنىنىڭ ماڭىزدى قۇرامداس بولىگى، ونىڭ نەگىزگى باعىتتارى – جۇمىرتقا جانە ەت ونىمدەرى بولىپ سانالادى.
قۇس تۇماۋىنان تازا ەل مارتەبەسى ەلىمىزدىڭ اگروونەركاسىپ كەشەنىنىڭ ەكسپورتتىق الەۋەتىن ىسكە اسىرۋعا ۇلكەن مۇمكىندىك بەرەدى جانە قازاقستاننىڭ ەكونوميكالىق دامۋى مەن يميدجىنە وڭ اسەرىن تيگىزەتىنى انىق.
مەملەكەت باسشىسىنىڭ جاڭا نارىقتاردى اشۋ تۋرالى تاپسىرماسىن ورىنداۋ ماقساتىندا اتقارىلعان جۇمىستاردىڭ العاشقى كورىنىسى دەپ اتاۋعا بولادى.
پىكىر قالدىرۋ