ساراپشىلار بۇكىلالەمدىك وستەوپوروزبەن كۇرەسۋ كۇنى قارساڭىندا قازاقستاندىقتاردىڭ دەنساۋلىعىنا قاتىستى ماسەلەلەردى تالقىلادى دەپ حابارلايدى Qamshy.kz اقپارات اگەنتتىگى.

الماتىدا بۇكىلالەمدىك وستەوپوروزبەن كۇرەسۋ كۇنىنە وراي باسپاسوز-كونفەرەنسيا ءوتتى. تاعامتانۋ مەن دەنساۋلىق ساقتاۋ سالاسىنىڭ ساراپشىلارى وستەوپوروز دەرتىنىڭ تارالۋى كورسەتكىشتەرىمەن ءبولىسىپ، قازاقستاندىقتاردىڭ قازىرگى ۋاقىتتا تاماقتانۋىنا قاتىستى پايدا بولعان ادەتتەر سالدارىنان تۋاتىن دەنساۋلىق ماسەلەلەرىن تالقىلادى.

وستەوپوروز – سۇيەك قاڭقاسىنىڭ السىرەۋى سالدارىنان سۇيەك سىنعىشتىعىنا اكەلەتىن سوزىلمالى جۇيەلى اۋرۋ. حالىقارالىق وستەوپوروز قورىنىڭ مالىمەتى بويىنشا ءار 3 سەكۋند سايىن الەمدە وستەوپوروز سالدارىنان سۇيەك سىنادى. ال 50 جاستان كەيىن ءاربىر ەكىنشى ايەل جانە ءاربىر بەسىنشى ەر ادام زارداپ شەگىپ، ءومىرىنىڭ سوڭىنا دەيىن  سۇيەك سىنۋى دياگنوزىمەن ءومىر سۇرەدى. ەڭ ءقاۋىپتىسى بۇل دەرتجامباس مويىنىنىڭ سىنۋىنا اكەلەدى جانەادام قازاعا ۇشىراۋى مۇمكىن. جامباس مويىنى سىنۋىنىڭ سالدارىنان بولاتىن ءولىمنىڭ جالپى الەمدىك كورسەتكىشى (20%) ءبىرقاتار ەلدەردە ءوسىپ كەلەدى.

سوزىلمالى دەرتتىڭ قازاقستانداعى كورسەتكىشتەرىمەن وستەوپوروز بويىنشا ق ر دارىگەرلەر قاۋىمداستىعىنىڭ ءتورايىمى گۇلجان عابدۋللينا ءبولىستى:

«ءۇش ميلليون قازاقستاندىق سۇيەك ءتىنى السىرەۋىنەن زارداپ شەگەدى.وستەوپوروز ىندەتىنىڭ ءوسىمى 2012 جىلدان بەرى 8 ەسە ءوستى. بۇل ءوسىم ادامداردىڭ قازىرگى زاماندا تاماقتانۋ راسيونىنىڭ وزگەرۋىنە بايلانىستى. كالسييدىڭ تاۋلىكتىك قاجەتتىلىگى ءار ءتۇرلى جاستا 400 بەن 1300 گرامم اراسىندا بولعانىمەن، قازاقستاندىقتار اراسىندا قۇرامىندا كالسيي بار، اسىرەسە ءسۇتتى جانە اشىمال ءسۇت ونىمدەرىن پايدالانباۋ كەڭىنەن تارالعان.بالالار اراسىنداعى تاۋلىكتىك تۇتىنۋ ۇلەسى 25-30%-دى قۇرايدى» 

عالىمدار بالا كەزدەن باستالاتىن تەڭدەستىرىلگەن تاماقتانۋ راسيونىنىڭ بولماۋى وستەوپوروز دامۋىنىڭ باستى سەبەبى دەپ اتايدى. ساراپشىلار وستەوپوروزدىڭ الدىن الۋ ماقساتىندا بالالار مەن ۇلكەندەرگە ارنالعان دۇرىس تاماقتانۋ بويىنشا ءوز كەڭەستەرىمەن ءبولىستى.

 «بۇكىلالەمدىك دەنساۋلىق ساقتاۋ ۇيىمىنىڭ اقپاراتى بويىنشا الەمدەگى ءولىمنىڭ 60%-ى جانە دەرتتەردىڭ 80%-ى دۇرىس تاماقتانباۋعا بايلانىستى. كالسييدىڭ الماسۋى مەن ءسىڭۋى اعزانىڭ اقۋىز بەن ا دارۋمەنىمەن قامتاماسىز ەتىلۋىنە بايلانىستى. وكىنىشكە وراي، ءبىز ق ر تۇرعىندارىنىڭ تاماقتانۋ ادەبىنىڭ بۇزىلۋى بايقاپ كەلەمىز. سالدارىنان دەنساۋلىق ناشارلايدى. ءاربىر ادامنىڭ راسيونىندا ماكرو جانە ميكرو ەلەمەنتتەرگە، لاكتو جانە بيفيدوباكتەريالارعا تولى ءسۇت پەن «ءتىرى اشىمال ءسۇت» ونىمدەرى بولۋى ءتيىس. سول ءۇشىن دە ءبىز كالسييدىڭ تاۋلىكتىك قاجەتتىلىگىن تولتىرۋ ءۇشىن ۇلكەن ادامدارعا كۇندەلىكتى 600-800 گرامم ءسۇت ءونىمىن تۇتىنۋعا كەڭەس بەرەمىز» - دەدى قازاق تاعامتانۋ اكادەمياسى مەن ۇلتتىق سالاۋاتتى تاعامتانۋ ورتالىعىنىڭ پرەزيدەنتى تورەگەلدى شارمانوۆ.

باسپاسوز-كونفەرەنسيا قورىتىندىسى بويىنشا بالالار اراسىندا وستەوپوروزدىڭ الدىن الۋ شارالارى ايتىلدى.

«وستەوپوروز ماسەلەلەسى ۇلكەن قورقىنىشتى تۋعىزادى. قازاقستان جاسوسپىرىمدەرىنىڭ 50%-ىندا سۇيەك السىرەۋى بايقالادى. بۇل ماسەلەنىڭ شەشىلۋىنىڭ بىردەن ءبىر جولى دۇرىس تاماقتانۋ ادەتتەرىنىڭ بالا كەزدەن قالىپتاسۋى. الماتى، نۇر-سۇلتان، شىمكەنت قالالارىنداعى ءبىلىم باسقارماسىنىڭ قولداۋىمەن قازان ايىنىڭ باسىنان Healthy Generation (دەنى ساۋ ۇرپاق) جوباسى جۇزەگە اسىرىلىپ كەلەدى. اي سوڭىنا دەيىن 20 000-نان استام باستاۋىش مەكتەبىنىڭ وقۋشىلارى دۇرىس جانە تەڭدەستىرىلگەن تاماقتانۋ جايىندا ينتەراكتيۆتى دارىستەرىن وتەدى،» - دەدى Healthy Generation جوباسىنىڭ ىنتاگەرى، قازاقستان، ورتالىق ازيا جانە كاۆكاز ەلدەرىندەگى Danone كومپانياسىنىڭ كورپوراتيۆتىك بايلانىس جونىندەگى ديرەكتورى دىنمۇحامەد ايساۋتوۆ.

انىقتاما: جىل سايىن 20 قازاندا بۇكىلالەمدىك وستەوپوروزبەن كۇرەسۋ كۇنى اتاپ وتىلەدى. بۇكىلالەمدىك دەنساۋلىق ساقتاۋ ۇيىمى بۇل كۇندى وستەوپوروز بەن سۇيەك مەتوبوليتتىك اۋرۋلارىنىڭ الدىن الۋ مەن ەمدەۋ ادىستەرى جايلى جاھاندى تۇردە اقپارات تاراتۋ ماقساتىندا 1997 جىلى بەكىتتى.

Healthy Generationجوباسى –دۇرىس تاماقتانۋ مەن ءسۇت ونىمدەرىن تۇتىنۋ جايىندا باستاۋىش سىنىپتا وقيتىن بالالارعا ارنالعان دارىستەر. جوبانىڭ ماقساتى – وقىتۋ ارقىلى بالالار مەن ولاردىڭ اتا-انالارى اراسىندا دۇرىس تاماقتانۋ ادەبىن قالىپتاستىرۋ. جوبا 8 قازاندا باستالىپ، قازاقستاننىڭ ءۇش قالاسى الماتى، نۇر-سۇلتان، شىمكەنتتە جۇزەگە اسىرىلىپ كەلەدى. باعدارلاما اياسىندا 20 402 بالا قامتىلدى.

جوبا Danone كومپانياسىنىڭ «تاعام ارقىلى نەعۇرلىم كوپ ادامزات بالاسىنا دەنساۋلىق سىيلاۋ» اتتى باستى قاعيداسىنا ساي كەلەدى.