«مەديسينالىق قىزمەت كورسەتۋدىڭ ساپاسى مەن قولجەتىمدىلىگىن قامتاماسىز ەتۋ. بۇل جەردە حالىقتىڭ دەنساۋلىعىنا بايلانىستى، اسىرەسە، انا مەن ءسابي ولىمىنە قاتىستى كورسەتكىشتەردىڭ وڭىرلىك تەڭگەرىمسىزدىگى ايقىن كورىنەدى.
دەگەنمەن، بۇل كورسەتكىش تومەندەپ كەلەدى. ءبىراق ءالى دە جوعارى، سونداي-اق دامىعان ەلدەردىڭ دەڭگەيىنەن ايتارلىقتاي كوپ.
ۇكىمەت ءار ءوڭىر بويىنشا مەديسيناداعى ناقتى دەرتتەر توپتاماسى جونىندە باسىمدىقتار ءتىزىمىن جاساپ، سونىڭ نەگىزىندە بيۋدجەتتەن قارجى ءبولۋى قاجەت». مەملەكەت باسشىسى قاسىم-جومارت توقايەۆ قازاقستان حالقىنا العاشقى جولداۋىندا وسىلاي دەگەن بولاتىن.
بيىلعى جىلى جامبىل وبلىسىندا قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2016-2019 جىلدارعا ارنالعان "دەنساۋلىق" مەملەكەتتىك باعدارلاماسىنىڭ نىسانالى ينديكاتورلارى بويىنشا كورسەتكىشتەردىڭ تومەندەۋىنە قول جەتكىزىلدى. جامبىل وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ب.جارقىنبەكوۆتىڭ ايتۋىنشا، 9 ايدىڭ قورىتىندىسى بويىنشا سىرقاتتانۋشىلىقتىڭ ناقتى كورسەتكىشى 230،6-دى قۇرادى. 2019 جىلعا ينديكاتورلىق كورسەتكىش 300،4 - تەن اسپايدى.
ەسەپتى كەزەڭدە وبلىستا 431 قىزىلشا وقيعاسى تىركەلگەن. اۋرۋشاڭدىق وبلىستىڭ بارلىق 11 وڭىرىندە بايقالدى.
وبلىسقا قىزىلشا جاعدايلارى وزبەكستان، قىرعىزستان، اقش-تان، سونداي-اق ەلىمىزدىڭ باسقا وڭىرلەرىنەن اكەلىنگەن. بۇگىندە قىزىلشانىڭ 45 اكەلىنگەن جاعدايى تىركەلدى، ودان ءارى وبلىس ايماقتارى بويىنشا ەگىلمەگەن تۇرعىندار اراسىندا تارالۋدا. اعىمداعى جىلى وبلىستا قىزىلشانى تىركەۋ قاڭتار ايىنان باستالىپ، اپتا سايىن ورتاشا 6 جاعدايدى تىركەۋمەن باستالدى، اۋرۋدىڭ شىڭى ءساۋىر ايىندا اپتاسىنا 44 وقيعاعا دەيىن جەتتى.
قابىلدانعان شارالاردىڭ ناتيجەسىندە جوسپارلى تۇردە 1 جاستاعى 16328 سابيلەرگە، 6 جاستاعى 11799 بالاعا جانە جوسپاردان تىس قوسىمشا يممۋنداۋ تۇرىندە ۆاكسيناسيا جۇرگىزىلگەن. 9-10 جاستاعى بالالاردى، 20-29 جاستاعى قارتايعان بالالاردى، وشاقتارداعى كونتاكتالى ادامداردى جانە مەديسينا قىزمەتكەرلەرىن ۆاكسيناسيالاۋ، بارلىعى 166 مىڭنان استام ادام ەگىلگەن. ەپيدەميولوگيالىق جاعدايدى تۇراقتاندىرۋعا جانە وسى ينفەكسيانىڭ دەڭگەيىن ءبىرلى-جارىم جاعدايعا دەيىن تومەندەتۋگە قول جەتكىزىلىپ وتىر.
پىكىر قالدىرۋ