مەملەكەت باسشىسى قاسىم-جومارت توقايەۆتىڭ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى جولداۋىندا دەنساۋلىق ساقتاۋ سالاسىن دامىتۋعا ايرىقشا نازار اۋدارىلعانى بەلگىلى. بۇل باعىتتاعى تاپسىرمالار جامبىل وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ۇلكەن مىندەتتەر جۇكتەپ وتىر.

قازىرگى جاعدايدا تاۋارلار مەن كورسەتىلەتىن قىزمەتتەر ساپاسىنىڭ پروبلەماسى ءومىر ءسۇرۋ دەڭگەيىنىڭ، ەكونوميكالىق، الەۋمەتتىك، ەكولوگيالىق قاۋىپسىزدىكتى ارتتىرۋدىڭ ماڭىزدى كورسەتكىشى بولىپ تابىلادى. ال باسەكەگە قابىلەتتىلىك - ەكونوميكالىق تۇراقتىلىق پەن قوعامنىڭ تۇراقتى دامۋىنىڭ فاكتورى.

بيىلعى توعىز ايدا جامبىل وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ قىزمەتىنىڭ قىزمەتى ماڭىزدى ماقساتقا – مۇددەلى مەملەكەتتىك ورگاندارمەن ۆەدومستۆوارالىق ءوزارا ءىس-قيمىل نەگىزىندە رەتتەلەتىن سالادا باقىلاۋدى قامتاماسىز ەتۋگە، سونداي-اق اۋرۋلاردىڭ الدىن الۋ جانە وبلىس حالقىنىڭ دەنساۋلىعىن نىعايتۋ بويىنشا قولجەتىمدى جانە ءتيىمدى تەتىكتەردى ەنگىزۋگە باعىتتالعان.

-قىزمەت ماماندارىمەن وبلىستىڭ اتقارۋشى ورگاندارىنىڭ دەڭگەيىنە ءبىرقاتار وزەكتى ماسەلەلەر ازىرلەنىپ، شىعارىلعان. ولار بويىنشا 103 قاۋلى جانە قالالار مەن اۋداندار اكىمدەرىنىڭ شەشىمدەرى قابىلداندى. باسقا ۆەدومستۆولارمەن بىرگە 439 شەشىم قابىلدانىپ، مەموراندۋم جاسالدى. بۇل ءوڭىردىڭ ءبىرقاتار ماسەلەلەرىن شەشۋدە كۇش بىرىكتىرۋگە مۇمكىندىك بەردى.

2017-2019 جىلدارعا ارنالعان "قوعامدىق دەنساۋلىق ساقتاۋ قىزمەتىن قۇرۋ جانە سەكتورارالىق ءوزارا ءىس - قيمىلدى دامىتۋ" جول كارتاسىن ىسكە اسىرۋ بارىسىندا وبلىس بويىنشا ماماندار 340 اكسيا ۇيىمداستىردى، وعان 3650 ادام قاتىستى،-دەيدى جامبىل وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ب.جارقىنبەكوۆ.

دۇنيەجۇزىلىك دەنساۋلىق ساقتاۋ ۇيىمىنىڭ «سالاۋاتتى جۇمىس ورىندارى» جوباسىن جانە جول كارتاسىن ىسكە اسىرۋ ماقساتىندا جۇمىس بەرۋشىلەرمەن سالاۋاتتى ءومىر سالتىن ناسيحاتتاۋ جانە زياندى ادەتتەردەن باس تارتۋ بويىنشا ايماقتا 166 مەموراندۋمعا قول قويىلىپتى.

بۇل باعىتتاعى جۇمىستار الداعى ۋاقىتتا دا جالعاسا بەرەتىن بولادى.