مەملەكەت باسشىسى ق.توقايەۆ قازاقستان حالقىنا العاشقى جولداۋىندا مەديسينالىق قىزمەت كورسەتۋدىڭ ساپاسى مەن قولجەتىمدىلىگىن قامتاماسىز ەتۋ ماسەلەسىنە باسىمدىق بەرىپ، «بۇل جەردە حالىقتىڭ دەنساۋلىعىنا بايلانىستى، اسىرەسە، انا مەن ءسابي ولىمىنە قاتىستى كورسەتكىشتەردىڭ وڭىرلىك تەڭگەرىمسىزدىگى ايقىن كورىنەدى.

دەگەنمەن، بۇل كورسەتكىش تومەندەپ كەلەدى. ءبىراق ءالى دە جوعارى، سونداي-اق دامىعان ەلدەردىڭ دەڭگەيىنەن ايتارلىقتاي كوپ.

ۇكىمەت ءار ءوڭىر بويىنشا مەديسيناداعى ناقتى دەرتتەر توپتاماسى جونىندە باسىمدىقتار ءتىزىمىن جاساپ، سونىڭ نەگىزىندە بيۋدجەتتەن قارجى ءبولۋى قاجەت» دەپ اتاپ كورسەتكەن بولاتىن.

بۇگىندە جامبىل وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى جولداۋ جۇكتەگەن مىندەتتەرگە سايكەس ءوز جۇمىسىن جاندادىرا تۇسۋدە.

تابيعي وشاقتاردىڭ بەلسەندىلىگىنە قاراماستان، 2019 جىلدىڭ 9 ايىندا جامبىل وبلىسى اۋماعىندا نەگىزگى ينفەكسيالىق اۋرۋلاردىڭ الدىن الۋ بويىنشا كەشەندى باعدارلامالار مەن جوسپارلار ءىس-شارالارىنىڭ ورىندالۋى 2018 جىلدىڭ سايكەس كەزەڭىمەن سالىستىرعاندا ينفەكسيالىق اۋرۋلار 2،0 ەسەگە، ونىڭ ىشىندە 14 جاسقا دەيىنگى بالالار اراسىندا 2،0 ەسەگە تومەندەدى. وسىلايشا، جۇقپالى اۋرۋلاردىڭ مونيتورينگىلەنەتىن 99 نوزولوگيالىق ءتۇرىنىڭ 26-ىندە (27%): برۋسەللەز 6،5%-عا، جەل شەشەگى - 2،7 ەسە، ءجىتى ۆيرۋستىق گەپاتيت - 2،5 ەسە، ەحينوكوككوز - 25% - عا، ليامبليوز - 2 ەسە، جوعارعى تىنىس الۋ جولدارىنىڭ ءجىتى ينفەكسيالارى - 25% - عا، تۇماۋ-2،3 ەسە، تۋبەركۋلەز-13% - عا تومەندەگەنى بايقالادى.

45 نوزولوگيا بويىنشا اۋرۋلار تىركەلمەگەن. ونىڭ ىشىندە: كونگو-قىرىم گەمورراگيالىق قىزباسى، تىرىسقاق، وبا، تۋليارەميا، ءىش سۇزەگى، پاراتيفتەر، لەيشمانيوز، ريككەتسيوز، بەزگەك-وبلىس حالقىنىڭ جۇقتىرۋ ءقاۋپى جوعارى.

ايتا كەتۋ كەرەك، ەسەپتى كەزەڭدە يىلعى توعىز ايدا جامبىل وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ قىزمەتىنىڭ قىزمەتى ماڭىزدى ماقساتقا – مۇددەلى مەملەكەتتىك ورگاندارمەن ۆەدومستۆوارالىق ءوزارا ءىس-قيمىل نەگىزىندە رەتتەلەتىن سالادا باقىلاۋدى قامتاماسىز ەتۋگە، سونداي-اق اۋرۋلاردىڭ الدىن الۋ جانە وبلىس حالقىنىڭ دەنساۋلىعىن نىعايتۋ بويىنشا قولجەتىمدى جانە ءتيىمدى تەتىكتەردى ەنگىزۋگە باعىتتالعان.