مەملەكەت باسشىسى قاسىم-جومارت توقايەۆ قازاقستان حالقىنا العاشقى جولداۋىندا اگروونەركاسىپ كەشەنىن دامىتۋعا ايرىقشا نازار اۋدارعان بولاتىن. بۇل باعىتتا مەجەلى مىندەتتەرگە توقتالىپ، ۇكىمەتكە ناقتى تاپسىرمالار بەردى.

بۇگىندە جامبىل وبلىسىنداعى بايزاق اۋدانىندا اۋىل شارۋاشىلىعى سالاسى قارقىندى دامىپ كەلەدى. اۋدانداعى اۋىل شارۋاشىلىعى ماقساتىنداعى جالپى جەرلەردىڭ كولەمى 169 971 گەكتار القاپتى قۇراسا، ونىڭ ىشىندە، ەگىستىك جەرلەر 58 429 گا، ونىڭ 28 137 گا سۋارمالى، 30 355 گا ءتالىمى، شابىندىق جەرلەر كولەمى 5 408 گا، جايىلىم 104 008 گا، كوپجىلدىق ەكپەلەر 356 گا جانە بوگدە جەرلەر 1 460 گەكتاردى قۇرايدى.

قازاقستان رەسپۋبليكاسىنىڭ اگروونەركاسىپتىك كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىن ىسكە اسىرۋ ماقساتىندا، جامبىل وبلىسى اكىمدىگىنىڭ اۋىل شارۋاشىلىعى باسقارماسى مەن اۋدان اكىمدىگى اراسىنداعى اۋىل شارۋاشىلىعى داقىلدارىنىڭ ەگىس القاپتارىنىڭ قۇرىلىمىن ءارتاراپتاندىرۋ تۋرالى كەلىسىمگە سايكەس، 2019 جىلدىڭ ءونىمى ءۇشىن ءداندى جانە ءداندى-بۇرشاقتى داقىلدار 16 697 گەكتارعا، مايلى داقىلدار 2 820 گەكتارعا، قانت قىزىلشاسى 1 207 گەكتارعا، كارتوپ 680 گەكتارعا، كوكونىس 6 555 گەكتارعا، باقشا 2 326 گەكتارعا جانە مال ازىعى داقىلدارى 23 260 گەكتارعا، بارلىعى 53 545 گەكتار القاپقا ورنالاستىرىلدى. بۇل وتكەن جىلمەن سالىستىرعاندا 126،5 گەكتارعا ارتىق.

ۇزدىكسىز كوكونىستەرمەن قامتاماسىز ەتۋمەن قاتار، قوسىمشا جۇمىس ورىندارىنىڭ اشىلۋىنا مۇمكىندىك بەرەتىن جىلىجايلار جەلىسىن دامىتۋ ماقساتىندا دا اۋدان كولەمىندە ءبىرقاتار جۇمىستار اتقارىلدى دەۋگە بولادى. اۋدان بويىنشا جالپى كولەمى 5،2 گەكتاردى قۇرايتىن 5 جىلىجايلار شارۋاشىلىعى جانە 0،95 گەكتاردى قۇرايتىن 9 وتباسىلىق جىلىجاي جۇمىس ىستەيدى. بۇگىنگى كۇنگە اۋدان بويىنشا جىلىجايلاردىڭ جالپى كولەمى 6،13 گەكتاردى قۇراپ وتىر.

2019 جىلدىڭ ءبىرىنشى كەزەڭىنە جىلىجايلارعا قيار جانە قىزاناق داقىلدارى ەگىلىپ، جالپى 731،2 توننا قيار جانە 6،3 توننا قىزاناق جينالدى. بۇگىنگى تاڭدا جىلىجايلارعا ەكىنشى كەزەڭگە داقىلدار ەگۋ ءۇشىن دايىندىق جۇمىستارى جۇرۋدە.

تاعى ءبىر ايتا كەتەرلىگى، اۋدان بويىنشا شارۋاشىلىقتار جىل سايىن اۋىل شارۋاشىلىعى تەحنيكاسىنىڭ پاركىن جاڭارتۋ ماقساتىندا، ليزينگتىك جۇيە بويىنشا جانە ناقتى قاراجاتقا ءار ءتۇرلى تەحنيكالار ساتىپ الۋدا. بيىلعى جىلدىڭ 9 ايىندا، اۋدان بويىنشا 24 شارۋاشىلىق جالپى قۇنى 265،7 ملن. تەڭگە تۇراتىن 45 جاڭا تەحنيكالار ساتىپ الدى. ونىڭ ىشىندە 16 تراكتور جانە 29 ءار ءتۇرلى تەحنيكالار بار. سونىمەن قاتار مال شارۋاشىلىعى باعىتىندا دا ناتيجەلى جۇمىستار جەتەرلىك.