جامبىل وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2016-2019 جىلدارعا ارنالعان "دەنساۋلىق" مەملەكەتتىك باعدارلاماسىنىڭ نىسانالى ينديكاتورلارى بويىنشا ءوز جۇمىسىن جۇيەلى جالعاستىرۋدا.

بيىل جامبىل وبلىسىندا تاماق وبەكتىلەرىندە، سونداي-اق بالالار مەن ءبىلىم بەرۋ مەكەمەلەرى مەن ەمدەۋ-الدىن الۋ ۇيىمدارىنىڭ اسحانالارىندا شىققان تاعامدىق اۋرۋلاردىڭ ورشۋىنە جول بەرىلگەن جوق.

2019 جىلدىڭ 9 ايىندا ۇيدە كونسەرۆىلەۋ ونىمدەرىن قولدانۋعا بايلانىستى 7 زارداپ شەگۋشىمەن ءبوتۋليزمنىڭ 5 جاعدايى تىركەلدى. ءولىم-جىتىم جوق.

ەسەپتى كەزەڭدە ءونىم ساتىپ الۋ جوسپار-كەستەسىنە سايكەس جالپى سوماسى 8 ملن.780 مىڭ تەڭگەگە 168 ساۋدا جانە قوعامدىق تاماقتاندىرۋ وبەكتىلەرىندە باقىلاۋ ساتىپ الۋ جۇرگىزىلدى. 4367 ازىق-تۇلىك ونىمدەرى مەن حالىق تۇتىناتىن تاۋارلار ىرىكتەلىپ، ونىڭ ىشىندە 649 سىناما كەدەن وداعىنىڭ تەحنيكالىق رەگلامەنتتەرىنىڭ تالاپتارىنا سايكەس كەلمەگەن.

سونىمەن قاتار دەپارتامەنت پەن ونىڭ اۋماقتىق باسقارمالارى 2867 تەكسەرۋ جۇرگىزگەن. ونىڭ ىشىندە 1855 تەكسەرۋ ەرەكشە ءتارتىپ بويىنشا جانە 1012 جوسپاردان تىس تەكسەرۋ جۇرگىزىلدى. ال وتكەن جىلى 1639 تەكسەرۋ جۇرگىزىلگەن بولاتىن.

تەكسەرۋ بارىسىندا دەپارتامەنت جانە اۋماقتىق باسقارما ماماندارىمەن انىقتالعان بۇزۋشىلىقتار ءۇشىن 67 ميلليون 534 مىڭ 650 تەڭگە سوماسىنا 1461 اكىمشىلىك ايىپپۇل سالىنعان. ونىڭ ىشىندە 65 ميلليون 451 مىڭ 525 تەڭگە سوماسىنا 1447 ايىپپۇل ءوندىرىپ الىندى. بۇل 99 پايىزدى قۇرادى. زاڭنامانى بۇزۋشىلىقتاردى جويۋ تۋرالى ۇيعارىمداردىڭ ورىندالماۋى بويىنشا 39 حاتتاما، سونداي-اق وبەكتىلەردىڭ قىزمەتىن توقتاتا تۇرۋعا 42 قۇجاتتار جاسالىپ، سوت ورگاندارىنا قاراۋعا جىبەرىلگەن. جالپى 310 ادام جۇمىستان شەتتەتىلىپ وتىر.

جامبىل وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ب.جارقىنبەكوۆتىڭ ايتۋىنشا، "نۇر وتان" پارتياسى ايماقتىق فيليالدارىمەن جانە "اتامەكەن" ۇلتتىق كاسىپكەرلىك پالاتاسىمەن شاعىن جانە ورتا كاسىپكەرلىك سۋبەكتىلەرىن قولداۋ بويىنشا ءوزارا ءىس-قيمىل جالعاسۋدا. مەملەكەتتىك باقىلاۋ مەن قاداعالاۋدى جۇزەگە اسىراتىن ورگاندار، قۇقىق قورعاۋ ورگاندارى، قوعامدىق بىرلەستىكتەر مەن قاۋىمداستىقتار وكىلدەرىنىڭ، وبلىس كاسىپكەرلەرىنىڭ، سونداي-اق بۇقارالىق اقپارات قۇرالدارىنىڭ قاتىسۋىمەن سىبايلاس جەمقورلىق قۇقىق بۇزۋشىلىقتاردى انىقتاۋ جانە جولىن كەسۋ ماسەلەلەرى بويىنشا «دوڭگەلەك ۇستەلدەر»، اپتا سايىنعى «اشىق ەسىك كۇندەرى»، باسپا ءسوز كونفەرەنسيالارى مەن حالىقپەن جيىندار ۇيىمداستىرىلىپ كەلەدى.