تۇركىستان وبلىسى مەن شىمكەنت قالاسىندا اكىمدىكتىڭ ەكى بىردەي قىزمەتكەرى پارا الدى دەگەن كۇدىككە ءىلىندى. ولاردىڭ ءبىرى – ءبولىم باسشىسى، ال ەكىنشىسى – اۋىلدىق وكرۋگتىڭ اكىمى.
"شىمكەنت قالاسىنىڭ سىبايلاس جەمقورلىققا قارسى قىزمەتى ساۋدا جاساۋعا رۇقسات بەرۋ جانە كاسىپكەرلىك قىزمەتكە جالپى قامقورلىق جاساۋ ءۇشىن ازاماتتان جالپى سوماسى 65 مىڭ تەڭگە الدى دەگەن كۇدىككە ىلىنگەن ءال-فارابي اۋدانى اكىمدىگى كاسىپكەرلىك ءبولىمىنىڭ باسشىسىنا قاتىستى سوتقا دەيىنگى تەرگەۋدى باستادى"، – دەپ حابارلادى سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى.
سونداي-اق وسىعان ۇقساس قىلمىس جاساعانى ءۇشىن تۇركىستان وبلىسى، جەتىساي اۋدانى قىزىلقۇم سەلولىق وكرۋگىنىڭ اكىمى دە كۇدىككە ءىلىندى. ول جەكە تۇرعىن ءۇي قۇرىلىسىنا جەر تەلىمىن بەرۋ ءۇشىن 500 مىڭ تەڭگە سوماسىندا پارا الدى دەپ ايىپتالىپ وتىر.
قازىرگى تاڭدا سوتقا دەيىنگى تەرگەۋ جالعاسۋدا. كۇدىكتىلەرگە قاتىستى سوڭعى شەشىمدى سوت شىعارادى.
پىكىر قالدىرۋ