اقمولا وبلىسىندا 106 قاراعاي اعاشى زاڭسىز كەسىلدى، – دەپ Qamshy.kz اقپارات اگەنتتىگى حابارلايدى، وبلىستىق پد باسپا ءسوز قىزمەتىنە سىلتەمە جاساپ.

باسپا ءسوز قىزمەتىنىڭ مالىمدەمەسىندە، وبلىس اۋماعىندا قازاننىڭ 5-31 كۇندەرى تابيعاتتى قورعاۋ زاڭناماسىنىڭ قورعالۋىن قامتاماسىز ەتۋ، بيولوگيالىق رەسۋرستار ءونىمى مەن نىساندارىنىڭ زاڭسىز اينالىمىن، ەكولوگيالىق قىلمىستاردى اشۋ باعىتىندا «براكونەر» جەدەل الدىن الۋ شاراسى ءوتىپ جاتىر.

اقمولا وبلىستىق پد تابيعاتتى قورعاۋ پوليسياسى قىزمەتكەرلەرى مەن ورمان شارۋاشىلىعى جانە جانۋارلار الەمى كوميتەتىنىڭ وڭىرلىك ورگاندارى بىرلەسىپ جۇرگىزگەن تەكسەرىس كەزىندە كەڭەس ورمان شاراۋشىلىعى اۋماعىندا زاڭسىز اڭشىلىق وقيعاسى انىقتالدى.

ورمان شارۋاشىلىعىنىڭ قىزمەتكەرلەرى كەڭەس اۋىلىنان 16 شاقىرىم جەردەن 12 كالبيرلى 6 گيلزا مەن ءبىر جىلدىق بۇلاننىڭ ولەكسەسى تابىلعانىن حابارلاعان.

"جەدەل ىزدەستىرۋ شاراسى كەزىندە ستەپنوگورسك قالاسىنىڭ 30 جانە 37 جاستاعى ەكى تۇرعىنى انىقتالىپ ۇستالدى. ەكەۋىنەن "مر-155"، "سكس-366" جانە "Benelli م-4" ماركالى مىلتىقتار تاركىلەندى.

وسىعان بايلانىستى ءبىرقاتار ساراپتاما تاعايىندالدى. ق ر قك 337 بابىنىڭ 1ء-شى بولىگى بويىنشا ءىس قوزعالىپ، سوتقا دەيىنگى تەرگەۋ امالدارى جۇرگىزىلۋدە"، دەلىنگەن ۆەدومستۆودا.

سونداي-اق 8 قازان كۇنى بۇلاندى اۋدانىنىڭ چەرنورەچيا ورمان شارۋاشىلىعى اۋماعىندا 106 ءتۇپ قاراعايدىڭ زاڭسىز كەسىلگەنى بەلگىلى بولدى.

"بۇل قىلمىسقا كۇدىكتى، 27 جاستاعى جەرگىلىكتى تۇرعىنى ۇستالدى. ونىڭ تابيعاتقا كەلتىرگەن شىعىنىنىڭ كولەمى 472 000 تەڭگەگە باعالانىپ وتىر. وسىعان بايلانىستى ق ر قك 340 بابىنىڭ 2- بولىگى بويىنشا ءىس قوزعالدى. ءدال وسىنداي زاڭسىز اعاش كەسۋ وقيعاسى 22 قازاندا ساندىقتاۋ اۋدانىندا تىركەلدى. مۇندا نوۆونيكولسك اۋلىنىڭ 44 جاستاعى تۇرعىنى 45 قاراعاي اعاشىن زاڭسىز كەسكەن. ونىڭ ۇستىنەن دە ءىس قوزعالدى"، – دەپ تولىقتىرعان ۆەدومستۆودا.

ودان وزگە "براكونەر" جەدەل الدىن الۋ شاراسى بارىسىندا ارنايى ءموبيلدى توپ تابيعاتتى قورعاۋ زاڭناماسىنا قاتىستى 136 زاڭبۇزۋشىلىقتى انىقتالدى. ونىڭ 80ء-ى اڭ اۋلاۋ، 22ء-ى بالىق اۋلاۋ ەرەجەسىنە قاتىستى.

سونداي-اق اڭشىلىق مىلتىعىن قولدانۋ جانە تاسىمالداۋعا قاتىستى 26 اكىمشىلىك حاتتاما تولتىرىلىپ، 4 اڭشى مىلتىعى تاركىلەندى.