اتىراۋدا قالىڭ تۇماننان جول اپاتى ورىن الىپ، 27 جاستاعى جۇكتى ايەل كوز جۇمدى، – دەپ Qamshy.kz اقپارات اگەنتتىگى حابارلايدى.

اتىراۋ-دامبا تاس جولىندا "LADA Samara" مەن "نيۆا" اۆتوكولىكتەرى بەتپە-بەت سوقتىعىسۋىنان جول اپاتى ورىن الدى. كولىك اپاتى وقيعاسىنان 27 جاستاعى جۇكتى كەلىنشەك وقيعا ورنىندا كوز جۇمىپ، ءتورت ادام ءتۇرلى دەنە جاراقاتىمەن وبلىستىق اۋرۋحاناعا جەتكىزىلگەن.

پوليسيا دەپارتامەنتى ق ر قك-نىڭ 345-بابى 3ء-بولىمى (كولiك قۇرالدارىن باسقاراتىن ادامداردىڭ ابايسىزدا كىسى ولىمىنە اكەلگەن جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى) بويىنشا تەرگەپ-تەكسەرۋ جۇمىستارى باستالعانىن حابارلادى.

دارىگەرلەردىڭ ايتۋىنشا، قازىرگى تاڭدا ەكەۋىنىڭ جاعدايى تۇراقتى، امبۋلاتوريالىق ەم قابىلداۋعا جىبەرىلگەن. ال قالعان ەكەۋىنىڭ بىرەۋى جانساقتاۋ بولىمىندە، ەكىنشىسى نەيروتراۆماتولوگيا بولىمىنە اۋىستىرىلعان. قازىرگى تاڭدا اتالمىش وقيعاعا بايلانىستى قىلمىستىق ءىس قوزعالدى.