مادەنيەت جانە سپورت ءمينيسترى اقتوتى رايىمقۇلوۆا قازاق تىلىندەگى "توميريس" كارتيناسىنىڭ ورىس تىلىندەگى نۇسقاسىنان كەشىرەك شىققاندىعى ءۇشىن كەشىرىم سۇرادى، – دەپ Qamshy.kz اقپارات اگەنتتىگى حابارلايدى.
"ءىس جۇزىندە ەكى نۇسقا دايىندالدى. نەگىزگى نۇسقاسى قازاق تىلىندە بولدى. ءبىراق ول پرەمەرادان ءبىر اپتا وتكەندە شىعارىلدى. بۇل جەردە شاتاسۋشىلىق بولدى. مۇنداي جاعداي ەشقاشان بولمايدى دەپ ۇمىتتەنەمىن. تيتر مەن سۋبتيترلەردە قاتەلىكتەر جىبەرىلدى. ول كورەرمەنگە كورسەتىلمەيتىن قاراپايىم قاتەلىكتەر"، – دەپ ءتۇسىندىردى مينيستر.
"بۇعان جاۋاپتى ادامدار اكىمشىلىك جازاعا تارتىلدى. ارينە، بۇل العاشقى فيلم پرەمەراسى قازاق تىلىندە بولمادى دەگەن ماسەلەنى شەشپەيدى. مەن بۇل جاعدايدان قوعامنان كەشىرىم سۇراعىم كەلەدى. بۇل ءبىز ءۇشىن وتە ۇلكەن ساباق"، – دەپ پىكىر ءبىلدىردى رايىمقۇلوۆا.
ونىڭ ايتۋىنشا، بۇگىندە كينوتەاترلارداعى فيلم قۇنى 480 ميلليون تەڭگەگە جەتكەن.
پىكىر قالدىرۋ