باس پروكۋروردىڭ ورىنباسارى بولات دەمبايەۆ مالىمدەمە جاسادى، - دەپ حابارلايدى Qamshy.kz اقپارات اگەنتتىگى.

"سوت ەكسترەميستىك دەپ تانىعان "قازاقستاننىڭ دەموكراتيالىق تاڭداۋى" ۇيىمىنىڭ الەۋمەتتىك جەلىلەردەگى پاراقشالارىندا ونىڭ جاقتاستارى 2019 جىلى 26 قازاندا كەزەكتى زاڭسىز اكسياعا قاتىسۋعا شاقىرىپ جاتقانى ايتىلادى"، - دەلىنگەن حاتتا.

دەمبايەۆتىڭ ءوز مالىمدەمەسىندە قدت مۇشەلەرى اسا اۋىر قىلمىس جاساپ، شەتەلدە جاسىرىنىپ جۇرگەنىن ايتتى. ولار حالىقتى زاڭسىز ارەكەتتەرگە يتەرمەلەيدى، بۇل ادامداردىڭ قاۋىپسىزدىگىنە، ولاردىڭ ءومىرى مەن دەنساۋلىعىنا، مۇلكىنە ءقاۋىپ توندىرەدى، قوعامنىڭ قالىپتى تىرشىلىگىن بۇزادى.

"ەكسترەميزمگە قارسى ءىس-قيمىل تۋرالى" زاڭنىڭ 13-بابىنا سايكەس بەيبiت جينالىستار، ميتينگiلەر، شەرۋلەر، پيكەتتەر جانە دەمونستراسيالار وتكiزگەن كەزدە ولارعا قاتىسۋ ءۇشiن ەكسترەميستiك ۇيىمداردى تارتۋعا، ولاردىڭ نىشاندارىن پايدالانۋعا، سونداي-اق ەكسترەميستiك ماتەريالداردى تاراتۋعا جول بەرiلمەيدi. وسىعان بايلانىستى مەملەكەتتىك ورگاندار زاڭدا بەلگىلەنگەن تارتىپپەن سانكسيالانباعان نارازىلىق اكسيالارىن ۇيىمداستىرۋشىلار مەن قاتىسۋشىلارعا قاتاڭ شارالار قابىلدايدى"، - دەپ اتاپ ءوتتى باس پروكۋروردىڭ ورىنباسارى.

قۇقىق بۇزۋشىلار زاڭسىز اكسيالارعا قاتىسقانى راستالعان جاعدايدا، ولار قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 488-بابى بويىنشا جاۋاپكەرشىلىككە تارتىلادى (50 اەك-گە دەيىن ايىپپۇل سالىنادى، 15 تاۋلىككە دەيىن قاماۋعا الىنادى). "باس پروكۋراتۋرا تۇرعىنداردى ارانداتۋشىلىققا بوي الدىرماۋعا جانە ەكسترەميستىك ۇيىمداردىڭ زاڭسىز اكسيالارىنا قاتىسۋدان باس تارتۋعا شاقىرادى"، - دەلىنگەن حابارلامادا