قازاقستان رەسپۋبليكاسىنىڭ تۇڭعىش-پرەزيدەنتى –ەلباسى، Nur Otan پارتياسىنىڭ ءتوراعاسى نۇرسۇلتان نازاربايەۆتىڭ قاتىسۋىمەن وتكەن پارتيانىڭ نۇر-سۇلتان قالاسىنداعى «نۇر وتان» پارتياسىنىڭ كەزەكتى XVIII سەزىنىڭ باستى جاڭالىعى كوپ بالالى انالارعا اتاۋلى الەۋمەتتىك كومەكتىڭ تاعايىندالۋى بولعانى بەلگىلى. تۇڭعىش پرەزيدەنتتىڭ بۇيرىعىمەن قولعا الىنعان جاڭا الەۋمەتتىك ساياسات اياسىندا اتاۋلى الەۋمەتتىك كومەك 291 000 قازاقستاندىق وتباسىعا نەمەسە 1 ميلليون 446 مىڭ وتانداسىمىزعا تاعايىندالدى.

بۇگىندە ەل اراسىندا اتاۋلى الەۋمەتتىك كومەك بويىنشا جان-جاقتى ءتۇسىندىرۋ جۇمىستارى جۇرگىزىلۋدە. بۇل شارالار جامبىل وبلىسىندا ءوز دەڭگەيىندە قولعا الىنعان، دەپ جازادى Qamshy.kz اقپارات اگەنتتىگى. 

ەلباسىنىڭ باستاماسىمەن كوپ بالالى انالاردى قولداۋ شاراسى 32،5 مىڭ جامبىلدىق وتباسىنى قامتىدى. سايكەسىنشە 162،5 مىڭ جامبىلدىق اتاۋلى الەۋمەتتىك كومەك الدى. كومەكتىڭ بۇل ءتۇرىن الۋشىلارعا جىل سوڭىنا دەيىن تولەم جاساپ وتىرۋى ءۇشىن قازىنا قارجىسىنان 21،2 ميلليارد تەڭگە قاراستىرىلدى. ونىڭ 1،2 ميلليارد تەڭگەسى جەرگىلىكتى بيۋدجەتتەن بولىنگەن.

بۇگىنگى كۇننىڭ وزەكتى ماسەلەسى كوپبالالى انالاردى الەۋمەتتىك قولداۋ بولىپ وتىر. بۇل ورايدا تۇرعىندار اراسىندا اتاۋلى الەۋمەتتىك كومەكپەن قامتۋ شارالارىنىڭ جاي-جاپسارى تۋرالى ناسيحاتتاۋ جۇمىستارىن ءوز دەڭگەيىندە جۇرگىزۋ ءىسى ماڭىزعا يە. ماسەلەن اتاۋلى الەۋمەتتىك كومەك تاعايىندالعان ءساۋىر ايىنان بەرى تاراز قالاسى اكىمدىگى 40-قا جۋىق كەزدەسۋ وتكىزىلدى. ونىڭ 10-ى وبلىستىق دەڭگەيدە ۇيىمداستىرىلعان. وبلىس اكىمى باستاعان جەرگىلىكتى بيلىك وكىلدەرى اتاۋلى الەۋمەتتىك كومەك ماسەلەسى بويىنشا تۇرعىندارمەن كەزدەسىپ، جەكە سۇراقتارىمەن قابىلداۋلار دا جاسادى. بۇل شارالارعا اتالعان ماسەلە بويىنشا كوكەيىندە جۇرگەن ساۋالىنا جاۋاپ ىزدەگەن 3000-عى جۋىق جامبىلدىق قاتىستى. ولاردىڭ كوبىنىڭ ماسەلەسى وسىدان سوڭ وڭتايلى شەشىلدى.

قازىرگى تاڭدا مۇددەلى مەملەكەلەتتىك مەكەمەلەردىڭ باستاماسىمەن كەلەر جىلى قولدانىسقا ەنگىزىلەتىن اتاۋلى الەۋمەتتىك كومەكتىڭ جاڭا فورماتى بويىنشا حالىقتى اقپاراتتاندىرۋ جۇمىستارى قولعا الىندى. بۇل جۇمىستارعا جەرگىلىكتى جانە رەسپۋبليكالىق بۇقارالىق اقپارات قۇرالدارى تارتىلىپ، باسىلىمداردىڭ بەتتەرىندە اتاۋلى الەۋمەتتىك كومەك الۋدىڭ شارتتارى، تالاپ تارتىپتەرى جايىنداعى اقپاراتتىق حابارلامالار جارىق كوردى. ەلەكتروندىق اقپارات قۇرالدى بەينەروليكتەردىڭ تۇراقتى كورسەتىلىمىن ۇيىمداستىرۋدا. سونداي-اق وبلىس، اۋدان ورتالىقتارىنداعى كورنەكى جارناما تاقتايشالارى دا حالىقتى اقپاراتتاندىرۋ جۇمىستارىندا قولدانىلىپ جاتىر.