الماتى قالاسى تۇرعىن ءۇي ساياساتى باسقارماسى 2019 جىلعى "30" قازاننان باستاپ "12" قاراشا ارالىعىندا الماتى قالاسىنىڭ 29 جاسقا دەيىنگى جاستارىنان "نۇرلى جەر" مەملەكەتتىك تۇرعىن ءۇي قۇرىلىسى باعدارلاماسىنىڭ شەڭبەرىندەگى "جۇمىس ىستەيتىن جاستارعا ساتىپ الۋ قۇقىعىنسىز جالعا بەرىلەتىن تۇرعىن ءۇي بەرۋ" باعىتى بويىنشا وتىنىشتەر مەن قۇجاتتاردى قابىلداۋدى جۇرگىزەدى.

وتىنىشتەر مەن قۇجاتتار www.almaty-jastary.kz سايتى ارقىلى قابىلدانادى. اۆتوريزاسيا سايتتا ەلەكتروندىق سيفرلىق قولتاڭبا (ەسق) ارقىلى جۇرگىزىلەدى. ونى "ازاماتتارعا ارنالعان ۇكىمەت" مەملەكەتتىك كورپوراسياسى" كەاق-تان (حقكو) الۋعا بولادى.

ساتىپ الۋ قۇقىعىنسىز جالعا بەرىلەتىن تۇرعىن جايلار الماتى قالاسىنىڭ شەڭبەرىندە تۇرعىن ۇيلەردىڭ تۇسۋىنە بايلانىستى 5 جىل مەرزىمگە بەرىلەدى (پۋلدار بويىنشا). قازىرگىۋاقىتتا الاتاۋ اۋدانىنىڭ "كوكقاينار" شاعىناۋدانىندا (سايالى-2) 249 ءبىر بولمەلى پاتەرلەردەن تۇراتىن ءبىرىنشى پۋل بار.

باعدارلاماعا قاتىسۋ ءۇشىن قويىلاتىن نەگىزگى تالاپتار:

- 29 (جيىرما توعىز) جاسقا تولماعان، جالپى ءبىلىم بەرەتىن مەكتەپتەردىڭ جانە (نەمەسە) تەحنيكالىق جانە كاسىپتىك جانە (نەمەسە) ورتا بىلىمنەن كەيىنگى جانە (نەمەسە) جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ ءبىلىم بەرەتىن وقۋ باعدارلامالارىن مەڭگەرگەن جانە ەڭبەك قىزمەتىن جۇزەگە اسىرىپ جۇرگەن قازاقستان رەسپۋبليكاسىنىڭ ازاماتتارى قاتىسا الادى؛

- الماتى قالاسىندا تۇرعىلىقتى جەرى بويىنشا سوڭعى 2 (ەكى) جىلدان كەم ەمەس تۇراقتى تىركەلۋىن راستاۋ (وسى قالادا تۇرعىن ءۇي الۋعا ۇمىتتەنەتىن ادامدار ءۇشىن)؛

- ورنالاسقان جەرى بويىنشا جەرگىلىكتى اتقارۋشى ورگاننىڭ ءتيىستى انىقتاماسىمەن راستالاتىن اۆاريالىق جاعدايداعى، ءقۇلاۋقاۋپى بار (قيراۋ) تۇرعىن ءۇيدى قوسپاعاندا، ءوتىنىش بەرۋشىنىڭ، جۇبايىنىڭ (زايىبىنىڭ)، كامەلەتكە تولماعان بالالارىنىڭ ءوتىنىش بەرۋ الدىندا 2 (ەكى) جىل ىشىندە مەنشىك قۇقىعىنداعى تۇرعىن ءۇي ءدىڭ، ساتىپ الۋ قۇقىعىمەن جالعا بەرىلەتىن تۇرعىن ءۇيدىڭ جوقتىعىن راستاۋ؛

- سوڭعى التى اي ىشىندە كەمىندە 40 (قىرىق) ايلىق ەسەپتىك كورسەتكىش مولشەرىندە اي سايىنعى تابىستىڭ بولۋى (101 مىڭ تەڭگە)؛

- بانكتە جيناق شوتتىڭ بولۋى.

ءوتىنىش بەرۋشىلەردىڭ ءتىزىمى ۇپاي جۇيەسىن (ەڭ كوپ ۇپاي سانى بويىنشا) ەسەپكە الۋمەن جاسالادى. ۇپايلاردىڭ بەرىلۋ كريتەرييلەرى، سونداي-اق، قاجەتتى قۇجاتتار ءتىزىمى جوعارىدا كورسەتىلگەن سايتتا ورنالاستىرىلعان.

باعدارلاما قاتىسۋشىلارى ءوتىنىش پەن قۇجاتتاردى تاپسىرعاننان كەيىن ءوتىنىشتىڭ قاراستىرىلۋ ناتيجەسىن جوعارىدا كورسەتىلگەن سايتتاعى جەكە كابينەتتەن وزدەرى باقىلاپ وتىرۋى قاجەت.

انىقتامالار: +7(727)2251440، +7(727)2251437، +7(727)2251457 تەلەفوندارى بويىنشا.