25 قازان سەمەي قالاسى اكىمدىگى جانىنداعى اقپاراتتىق ورتالىق ءوز قىزمەتىن باستادى. ورتالىق "ءبىر تەرەزە" ءپرينسيپى بويىنشا حالىققا قىزمەت كورسەتەتىن بولادى. سالتاناتتى اشىلۋ راسىمىنە اكىمدىك قىزمەتكەرلەرى، قوعامدىق ۇيىمداردىڭ وكىلدەرى جانە ب ا ق وكىلدەرى قاتىستى.
ق ر سىبايلاس جەمقورلىققا قارسى ءىس-قيمىل اگەنتتىگى "شىعىس-ادالدىق الاڭى" جوباسى اياسىندا اقپاراتتىق ورتالىق قۇرۋ بويىنشا شارالار كەشەنىن جۇرگىزۋدە.
– جاقىندا عانا ءوڭىر باسشىسى دانيال احمەتوۆ حالىققا ەلەكتروندىق قىزمەت كورسەتۋ دەڭگەيىن قاتاڭ سىنعا الدى. بۇگىن وبلىس اكىمىنىڭ تاپسىرماسىن ورىنداي وتىرىپ، ءبىز فرونت-كەڭسەنى ىسكە قوسامىز. وتكەن جىلى ءتۇرلى تۇسىنىسپەۋشىلىكتەر ورىن العان بولاتىن. ءبىراق ەندى ءبىز كوپتەگەن پروبلەمالىق ماسەلەلەردى ەڭسەرە الامىز دەپ ۇمىتتەنەمىن. ءبىز ءۇشىن بۇل جاڭا جوبا، سوندىقتان باستاپقى كەزەڭدە بەلگىلى ءبىر قيىندىقتار تۋىنداۋى مۇمكىن جانە ءبىز ولاردى شەشۋگە جانە ءتيىمدى جۇمىس جاساي الاتىنىمىزعا سەنىمدىمىن، – دەدى قالا اكىمى ەرماك ءسالىموۆ.
اقپاراتتىق ورتالىقتىڭ جۇمىسى حالىققا قىزمەت كورسەتۋ ورتالىقتارى قاعيداتى بويىنشا، ياعني "ءبىر تەرەزە" قاعيداتى بويىنشا قۇرىلاتىن بولادى. مۇندا ازاماتتارعا قالا اكىمى اپپاراتى، سونداي-اق اكىمدىكتىڭ دەربەس سالالىق بولىمدەرى كورسەتەتىن مەملەكەتتىك قىزمەتتەردىڭ بارلىق تىزبەسى كورسەتىلەتىن بولادى. سونىمەن قاتار، ءاربىر ازامات اكىمدىكتىڭ سالالىق بولىمدەرىنىڭ ماماندارىنا وزدەرىن تولعاندىرعان سۇراقتارىن قويىپ، پروبلەمالىق ماسەلەلەر بويىنشا كەڭەس الا الادى. سونداي-اق مۇندا ازاماتتار جازباشا ارىزدارعا، وتىنىشتەر مەن شاعىمدارعا جاۋاپ الا الادى. جۇمىس كۇندەرى فرونت-كەڭسە تاڭعى ساعات 9.00-دەن كەشك 18.30-عا دەيىن ىستەيتىن بولادى.
– مۇندا بارلىق دەربەس سالالىق بولىمدەردەن ماماندار جينالعان. ياعني، ازاماتتارعا بارلىق قاباتتار مەن كابينەتتەرگە بارۋدىڭ قاجەتى جوق. بىزگە كەلىپ، پروبلەمانىڭ ءمانىن بايانداۋ جەتكىلىكتى. ءوتىنىش مىندەتتى تۇردە قارالادى. ەگەر ازاماتتارعا قانداي دا ءبىر ءوتىنىش قالدىرۋ قاجەت بولسا، ونى فرونت-وفيس ماماندارى قابىلداپ ، قاجەتتى ينستانسياعا جىبەرەدى. جاۋابى ون كۇن ىشىندە دايىن بولادى. بۇل تۇرعىندار ءۇشىن دە، اكىمدىك قىزمەتكەرلەرى ءۇشىن دە ىڭعايلى. سونىمەن قاتار، ءبىز ەلەكتروندىق حاتتاردى دا قابىلدايمىز. ادامدار بىزگە ءوز شاعىمدارىن تانىمال الەۋمەتتىك جەلىلەر مەن مەسسەندجەرلەر ارقىلى جىبەرەدى. بارلىعى دا تىڭعىلىقتى قارالاتىن بولادى، – دەپ اتاپ ءوتتى فرونت-وفيس ماماندارى.
فرونت-كەڭسەنىڭ باستى ءماقساتى-بىرقاتار مەملەكەتتىك ورگانداردىڭ جۇمىسىن اشىق ءارى حالىققا قولجەتىمدى ەتۋ. اقپاراتتىق ورتالىق سىبايلاس جەمقورلىق تاۋەكەلدەرىن، سونداي-اق ءتۇرلى كەدەرگىلەردى تومەندەتۋگە ارنالعان. جاڭا فرونت-وفيس قالالىق اكىمدىك عيماراتىنىڭ سول جاق قاناتىنىڭ ءبىرىنشى قاباتىندا ورنالاسقان.
سەمەي قالاسىنىڭ اقپاراتتىق ورتالىعى
پىكىر قالدىرۋ