امەريكا تورىندە قازاقتىڭ قوس ديماشى كەزدەستى دەپ جازادى Qamshy.kz اقپارات اگەنتتىگى. بۇل تۋرالى ديماش قۇدايبەرگەننىڭ اكەسى ءوزىنىڭ جەكە پاراقشاسىندا جازدى.

«نيۋ - يورك پوليسەيى ديماش نيازوۆ سالەم بەرىپ كەلدى»، - دەپ جازدى قانات ايتبايەۆ الەۋمەتتىك جەلىدەگى پاراقشاسىندا.

ەسكە سالساق، ديماش قۇدايبەرگەن اقش-قا بارىپ، يگور كرۋتويدىڭ مەرەيتويىندا ونەر كورسەتتى. ديماشتىڭ جەكە كونسەرتى وسى قالادا 10 جەلتوقساندا وتەدى.

ال ديماش نيازوۆ بالا كەزىندە اتا-اناسىمەن اقش-قا كوشىپ كەتكەن قازاقستان تۋماسى. 13 جاسىندا اقش-قا قونىس اۋدارعان. ول NYPD (New York City Police Department) جۇمىس ىستەيدى، برۋكلين اۋداندارىندا پوليسەي قىزمەتىن اتقارادى. 2017 جىلدىڭ باسىندا ەڭ ۇزدىك قىزمەتكەر اتاعىن العان. بۇگىندە قىزمەتىمەن قاتار بوكستى دا وزىنە سەرىك ەتكەن قازاق.