الماتىدا بالاباقشادان 5 جاسار بالانى ۇرلاماقشى بولعان تاربيەشىگە قاتىستى سوت ۇكىمى شىقتى دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ.
الماتى قالالىق سوتىنىڭ حابارلاۋىنشا، قىلمىستىق ءىس مەدەۋ اۋداندىق №2 سوتىندا قارالدى. بالاباقشانىڭ بۇرىنعى تاربيەشىسى ساياگۇل جاقسىلىق ادامدى ۇرلاۋعا وقتالۋ ارەكەتى ءۇشىن كىنالى دەپ تانىلىپ، 6 جىلعا باس بوستاندىعىنان ايىرۋ جازاسىنا كەسىلدى.
"ول قىلمىستىق كودەكستىڭ 24-بابىنىڭ 3ء-بولىمى جانە 125-بابىنىڭ 2ء-بولىمى، ياعني ادام ۇرلاۋعا وقتالعانى ءۇشىن كىنالى دەپ تانىلدى. سوتتىڭ ۇكىمىمەن ساياگۇل جاڭالىق 6 جىلعا باس بوستاندىعىنان ايىرىلدى. ول ءوز جازاسىن قاۋىپسىزدىگى ورتاشا مەكەمەدە وتەيتىن بولادى"، - دەدى سوتتىڭ باسپا ءسوز قىزمەتىنىڭ ماماندارى.
تەرگەۋ ماتەريالدارىنا سايكەس، بيىل 16 شىلدە كۇنى ۇلكەن قالپاق پەن كۇننەن قورعايتىن كوزىلدىرىك كيگەن كەلىنشەك بالاباقشادان ءاليحان ەسىمدى بالانى ۇرلاپ كەتپەكشى بولعان. ءوزىن تاتەسى دەپ تانىستىردى. ءبىراق جاس تاربيەشى بالانى بەرمەي قويعاننان كەيىن ول ءىزىن جاسىرعان. ارتىنان 30 جاستاعى ايەلدىڭ سول بالاباقشانىڭ تاربيەشىسى ساياگۇل جاڭالىق ەكەنى انىقتالدى.
"ساياگۇل جاڭالىق بالانىڭ اتا-اناسى جول اپاتىنا ۇشىرادى دەگەن سىلتاۋمەن بالانى الىپ كەتپەكشى بولعان. ءبىراق جاس تاربيەشى ونى توقتاتىپ، ءدال ءقازىر اتا-اناسىنىڭ قايدا ەكەنىن سۇرايدى. وسى كەزدە جاڭالىق دالاعا شىعىپ كەتتى. وسىلايشا، ءوزىنىڭ قىلمىستىق ارەكەتىن اياعىنا دەيىن جەتكىزە المادى. ول ارتىنان بالانىڭ اتا-اناسىنان اقشا تالاپ ەتپەكشى بولعان"، - دەيدى سوت ماماندارى.
سوتتىڭ شەشىمى زاڭدى كۇشىنە ەنگەن جوق.
پىكىر قالدىرۋ