الەۋمەتتىك جەلىدە تاراعان قىلمىستىق ءىستى توقتاتۋ تۋرالى قۇجاتتىڭ ءتۇپنۇسقا ەكەنىن باعدات ءمانىزوروۆتىڭ ادۆوكاتى الماس دەمەسىنوۆ راستادى. اتالمىش قىلمىستىق ىسكە بايلانىستى باس پروكۋراتۋرانىڭ ءتيىستى شەشىمى شىققان، – دەپ Qamshy.kz اقپارات اگەنتتىگى حابارلايدى.
"قىلمىستىق ءىستى توقتاتۋ تۋرالى ءوتىنىش ۇكىمەتتىڭ ەلەكتروندى كابينەتى ارقىلى جىبەرىلگەن بولاتىن. مەن ول قۇجاتتىڭ جەلىدە قالاي پايدا بولعانىن بىلمەيمىن. ءبىراق بۇل – تۇپنۇسقا. ءبىز رەسمي جاۋاپ الدىق"، - دەدى ادۆوكات.
ەسكە سالساق، قىركۇيەكتىڭ سوڭىندا الماتى وبلىسى اكىمىنىڭ ورىنباسارى باعدات ءمانىزوروۆتىڭ قىلمىستىق ىسكە بايلانىستى ۇستالعانى بەلگىلى بولدى. ال شەنەۋنىككە قىزمەتتىك وكىلەتتىلىگىن پايدالانا وتىرىپ، اسا ءىرى كولەمدە الاياقتىق جاسادى دەگەن ايىپ تاعىلدى.
پىكىر قالدىرۋ