الماتى وبلىسى اكىمدىگىنىڭ وكىلدەرى باعدات ءمانىزوروۆتىڭ جۇمىستان شىعارىلمايتىنىن مالىمدەدى دەپ حابارلايدى Qamshy.kz اقپارات اگەنتتىگى.
ۆەدومستۆو باسپا ءسوز حاتشىلىعىنىڭ مالىمەتىنشە، ءمانىزوروۆ ءالى دە اقىسى تولەنبەيتىن ەڭبەك دەمالىسىندا.
"دەمالىسى 1 قاراشادا اياقتالادى. بولعان وقيعادان كەيىن جۇمىستان شىعا ما، جوق پا - ءوزى شەشەدى. قانداي جاعداي بولسا دا، ول شتاتتا جانە وبلىس باسشىلىعى ونىڭ قىزمەتىن جوعارى باعالايدى. ونى جۇمىستان شىعارمايدى"، - دەيدى اكىمدىكتىڭ باسپا ءسوز قىزمەتى.
ەسكە سالايىق، بۇعان دەيىن الماتى وبلىسى اكىمىنىڭ ورىنباسارى باعدات ءمانىزوروۆتىڭ ۇستالعانى قىركۇيەكتىڭ سوڭىندا بەلگىلى بولدى. شەنەۋنىككە قىزمەتتىك وكىلەتتىلىگىن پايدالانا وتىرىپ، اسا ءىرى كولەمدە الاياقتىق جاسادى دەگەن ايىپ تاعىلدى. ول جازدا وسى قىزمەتكە تاعايىندالعان ەدى.
پىكىر قالدىرۋ