«استانا LRT» اقشاسىن جىمقىرۋ ءىسى بويىنشا ءجۇرىپ جاتقان تەكسەرىس اياسىندا استانالىق اكىمدىكتەگى لاۋازىمدى تۇلعالار تەرگەلۋدە. بۇل تۋرالى سىبايلاس جەمقورلىققا قارسى كۇرەس اگەنتتىگى ەكىنشى تەرگەۋ دەپارتامەنتىنىڭ باسشىسى سەرگەي پەروۆ ايتتى، دەپ جازادى forbes.kz.

ۆەدومستۆونىڭ باعالاۋى بويىنشا كەلگەن زالال سوماسى ميلليارد تەڭگەدەن اسقان.

– تەرگەۋ جالعاسۋدا، ءبىرقاتار ساراپتامالار سوڭىنا تاياپ قالدى. ولار بويىنشا زالال سوماسى ەسەلەپ ارتىپ، 1 ملرد تەڭگەدەن استى. بۇگىندە ءىس بويىنشا 6 ادام كۇدىككە الىنعان. اراسىندا اكىمشىلىكتىڭ 4 جوعارى لاۋازىمدى تۇلعاسى بار، – دەدى سەرگەي پەروۆ.

تەرگەۋ اياسىندا قۇرىلىس جۇمىستارىنىڭ كولەمىن تەكسەرۋ ءۇشىن ارنايى ماماندار تارتىلىپتى. بارلىق ساراپتامالار مەن قورىتىندىلاردىڭ ناتيجەسى ءبىر اي ىشىندە ۇسىنىلادى دەپ كۇتىلۋدە. كۇدىككە ىلىنگەن «استانا LRT» جشس-نىڭ بۇرىنعى باسشىسى تالعات اردانعا ينتەرپول جەلىسى ارقىلى حالىقارالىق ىزدەۋ جاريالانعان. وزگە كۇدىكتىلەر قاماۋدا.