تالدىقورعاندا اتىس ورىن الدى،– دەپ Qamshy.kz اقپارات اگەنتتىگى حابارلايدى.
تالدىقورعان قالالىق پوليسياسىنا 3-شاعىن اۋدانىنداعى كافەنىڭ جانىندا اتىس بولدى دەگەن قوڭىراۋ ءتۇستى. وقيعا ورنىنا جەتكەن پوليسيا قىزمەتكەرلەرى وق جاراقاتىن العان 45 جاستاعى ەر ادامدى ۇستادى. زارداپ شەگۋشى تالدىقورعان قالالىق اۋرۋحاناسىنا جەتكىزىلدى.
كوپ ۇزاماي پوليسيا كورشى ۇيلەردىڭ بىرىندە تۇراتىن اتىسقا قاتىستى كۇدىكتىنى انىقتاپ، ونى پوليسيا بولىمشەسىنە الىپ كەلدى. كۇدىكتى ۇستاعان كەزدە ماس كۇيدە بولعان. ويىن-ساۋىق مەكەمەسىندە جابىرلەنۋشى مەن كۇدىكتى اراسىندا جانجال تۋىنداعانى بەلگىلى بولدى. سونداي-اق كوشەدە ەر ادامداردىڭ ءبىرى قارسىلاسىنا بىرنەشە رەت تاپانشادان وق اتقان.
كۇدىكتىدەن تابىلعان قارۋ گاز تراۆماتيكالىق بولىپ شىقتى. كۋاگەرلەردىڭ ايتۋى بويىنشا، مىلتىق بۇدان بۇرىن قوقىس كونتەينەرىنەن تابىلىپ، ۇيدە ساقتالعان.
"اتالعان فاكتى بويىنشا سوتقا دەيىنگى تەرگەۋ قىلمىستىق كودەكستىڭ 293-بابىنىڭ 3-بولىگىنە (قارۋدى قولدانۋ ارقىلى بۇزاقىلىق) سايكەس جۇرگىزىلۋدە"، – دەدى الماتى وبلىسى پوليسيا دەپارتامەنتىنىڭ باسپا ءسوز قىزمەتى.
بۇل باپ بويىنشا باس بوستاندىعىنان 3 جىلدان 7 جىلعا دەيىن شەكتەۋ نەمەسە باس بوستاندىعىنان ايىرۋ جازاسى قاراستىرىلادى.
قىلمىستىق ءىس جۇزىندە قاجەتتى ساراپتاما تاعايىندالدى. ءقازىر ۇستالعان ادام قاماۋدا.
پىكىر قالدىرۋ