ۋكراينا پرەزيدەنت اكىمشىلىگىنىڭ باسشىسى اندرەي بوگدان ەل باسشىسى ۆلاديمير زەلەنسكيي ءوزىنىڭ كومانداسىنا باعىتتالعان تەرىس پىكىرلەر مەن سىنداردان شارشاعانىن ايتتى – دەپ Qamshy.kz اقپارات اگەنتتىگى حابارلايدى، Gazeta.ru -عا سىلتەمە جاساپ.

پرەزيدەنت وكىلىنىڭ ايتۋىنشا، زەلەنسكيي تەرىس پىكىرلەردى، ونىڭ ىشىندە بۇقارالىق اقپارات قۇرالدارىندا سىنداردى "وتە اۋىر قابىلدايدى".

"وتە قيىن. ول شارشادى... اسىرەسە، تەرىس پىكىرلەردەن شارشادى. بىزگە كوپتەگەن نەگاتيۆتەر ءتۇسىپ جاتىر. ونى بۇقارالىق اقپارات قۇرالدارىنان كورىپ، وقىعان  كەزدە،  بۇنى وتە اۋىر قابىلدايدى" – دەدى بوگدان.

سونىمەن قاتار، اكىمشىلىك باسشىسى زەلەنسكييگە Facebook-تەگى جازبالار "بۇرمالانعان اقپارات" بولعاندىقتان، وقۋدى دوعارۋعا كەڭەس بەردى.

ونىڭ ايتۋىنشا، زەلەنسكيي ۋكراينانىڭ ءيميدجىن جاقسارتۋ ءۇشىن بەلسەندى جۇمىس ىستەيدى جانە وعان كوپ كۇش جۇمسايدى.