كاتونقاراعاي اۋدانىندا ءتۋريزمدى دامىتۋ ماقساتىندا بىرنەشە ءقوناقۇي سالىنادى. بۇدان بولەك «التاي» كۋرورتى اشىلادى. بۇل تۋرالى ايماقتىق كوممۋنيكاسيالار قىزمەتىندە وتكەن بريفينگتە كاتونقاراعاي اۋدانىنىڭ اكىمى رەنات قۇرمامبايەۆ ءمالىم ەتتى.

الداعى ۋاقىتتا بۇقتىرما سۋ قويماسىنىڭ جانىنداعى دەمالىس بازاسى قولدانىسقا بەرىلەدى. وندا 12 ورىندىق 3 كوتتەدج، 50 ورىندىق اسحانا، 100 ورىندىق مەيرامحانا، 45 ورىندىق 5 كۇركە، 10 ورىندىق مونشا سالىندى. سونداي-اق 2 سۋ موتوسيكل، 1 ياحتا جانە 12 ورىندىق قۇتقارۋ قايىعى ساتىپ الىندى. وسى ماقساتتا 800 ملن. تەڭگە جۇمسالدى. بريفينگكە قاتىسقان اۋدان اكىمى وسىلاي دەدى.

– توپقايىڭ اۋىلىندا 60 ورىندىق ەمدەۋ-ساۋىقتىرۋ كەشەنىن سالۋ جوسپاردا بار. وعان 120 ملن تەڭگە قاراستىرىلعان. اتالمىش نىسان 2020 جىلى ەل يگىلىگىنە پايدالانۋعا بەرىلەدى، – دەدى رەنات قۇرمامبايەۆ.

كاتونقاراعاي اۋدانىندا شقو اكىمى دانيال احمەتوۆتىڭ تاپسىرماسى بويىنشا مەملەكەتتىك-جەكەمەنشىك ارىپتەستىك اياسىندا كاتونقاراعاي اۋىلىنىڭ №2 اۋدانارالىق اۋرۋحاناسىندا «التاي» كۋرورتىن اشۋ جوسپارلانۋدا. بۇدان بولەك «سوگورنوە-اقسۋ» باعىتى مەن يازيەۆوە كولىنە كىرەبەرىستەگى جولدارعا جوندەۋ جۇمىستارى جۇرگىزىلەدى.