كىلەڭ ماقتاۋ – ۇلكەن-كىشى باسشىسىن،
سول ارقىلى جوق-جىتىگىن تولتىرۋ.
بىلگەن جانعا ول جاعىمپاز – باستى سۇم،
ماقتاعانشا، دۇرىس پا ەدى ءولتىرۋ؟

تويىم بىلمەس جەمقورلاردىڭ اپانى –
ءسات ساعاتتا جۇزەگە اسار ويعا العان.
ءبىر سۇمدىعى – جاعىمپازدار قاتارى،
باستاۋ الار ۇلكەن-كىشى تويلاردان.

قاۋلاپ وسكەن قۇدايدان دا زورعىلار،
تۇسىنىكسىز، كوزىم الدى تۇمان با؟
كىلەڭ كەپپە، جالپاق-شەشەي سورلىلار،
جاعىمپازدار مەملەكەتىندە تۇرام با؟..

مەن وسى كىممىن؟

...قىزىلدارمەن قىرعىن كەزدە ۇققا ۇشقان،
سادىق اتام ارۋاعىنا تابىنام!
احمەتتەي كارلاگ جاقتا جەر قۇشقان،
ناعاشى اتام ارۋاعىنا تابىنام!

كۇڭكە اپكەم ، كەنەبايداي اتام دا،
ءوز تۇسىندا جاي ادامدار بولماعان.
مەن كەلەمىن كوپپەن بىرگە قاتاردا
ءبىر الەمدە وي مەنەن جىر تورلاعان.

اياگوزىم، اقشاتاۋ مەن قالعۇتىم،
مەنىڭ ءۇشىن قاسيەتتى مەكەنىم.
"قازاعىم!" دەپ، بار بولمىسىم، بار ءبىتىم،
تەكتى ۇلتىمدى ماقتان ەتىپ وتەمىن!

جۇماش كوكبورى