الماتى اكىمى ب. ساعىنتايەۆ ىت-قوعامداستىعىمەن كەزدەسۋدە سالانى قولداۋ مەن دامىتۋ ماسەلەلەرىن تالقىلادى، سونىمەن قاتار ارنايى كەڭەس قۇرىلاتىنى تۋرالى حابارلادى. بۇل جونىندە اكىمدىكتىڭ باسپا ءسوز قىزمەتى مالىمدەدى.
ەكى ساعات شاماسىنا سوزىلعان كەزدەسۋدە ءىت-سالاسىن دامىتۋعا قاتىستى ماسەلەلەر مەن ۇسىنىستار، مەگاپوليس ەكونوميكاسىندا ونىڭ ۇلەسىن ارتتىرۋ تۋرالى ءسوز بولدى.
ەلەكتروندى كوممەرسيامەن، ونلاين-سەرۆيسپەن، ريتەيلمەن، لوگيستيكامەن، فينتەحپەن، كولىك موبيلدىلىگىمەن، ءبىلىم جانە ينۆەستيسيامەن اينالىساتىن سيفرلىق كومپانيالار وكىلدەرى وسى سالانىڭ ەكوجۇيەسىن ودان ءارى قالىپتاستىرۋداعى ءوز ويلارىن ايتتى.
باستى ماسەلەنىڭ ءبىرى – كادرلاردىڭ جەتىسپەۋشىلگى. ۆيدەوباقىلاۋ جۇيەسىن جاساۋشى قايرات احمەتوۆ بۇل ماسەلەنى شەشۋ ءۇشىن «الاتاۋ» پيت اەا ستۋدەنتتەردىڭ كامپۋسىن اشۋدى، فينتەح-مامان رۋسلان وماروۆ جوو-دا ستۋدەنتتىك زەرتحانالاردى اشۋدى ۇسىنسا، ال جامبىل ريەۆشانوۆتىڭ كومپانياسى الماتىدا حالىقارالىق ءىت- مەكتەبىن اشۋدى نيەت ەتۋدە.
كەزدەسۋگە قاتىسۋشىلاردىڭ بارلىعى سالانى ءتيىمدى رەتتەۋ، قولداۋدىڭ تۇسىنىكتى ەرەجەسىن جاساۋ جانە سيفرلاندىرۋدا جەكە بيزنەستى دامىتۋ تۋرالى ايتتى.
ءىت-قوعامداستىقتىڭ بارلىق وكىلدەرىن تىڭداعان الماتى اكىمى اقپاراتتىق تەحنولوگيا سالاسىندا ىسكەرلىك كەڭەسكە بالاما رەتىندە ارنايى كەڭەس قۇرۋ جونىندەگى ۇسىنىستى قولدادى.
– جاقىندا وتكەن كەڭەستە پرەزيدەنت ق.-ج. توقايەۆ مەگاپوليستىڭ بارلىق سالاسىنىڭ تىنىس-تىرشىلىگىن سيفرلاندىرۋ بويىنشا جۇمىستى جانداندىرۋدى تاپسىرعان بولاتىن. سوندىقتان بىزگە سىزدەردىڭ كومەكتەرىڭىز ماڭىزدى. قۇرىلاتىن ىت-كەڭەس اياسىندا اي سايىن ءبىر رەت كەزدەسەمىز، ناقتىلى ماسەلەلەردى قويامىز جانە ولاردىڭ شەشىمدەرىن تاباتىن بولامىز. ەڭ باستىسى، كەڭەس ءىت–سالانى دامىتۋ ءۇشىن جايلى جاعدايلار جاساۋدىڭ ءتيىمدى الاڭى بولۋى ءتيىس، – دەدى ب. ساعىنتايەۆ، بارلىق قاجەتتى شەشىمدەردى سالا ساراپشىلارىنىڭ قابىلدايتىنىن اتاپ ءوتتى.
اكىمدىك ينفراقۇرىلىمدى قۇرۋعا، بارلىق مۇددەلى تاراپتاردىڭ ءىس–قيمىلىن ۇيلەستىرۋگە كومەكتەسەتىن بولادى. قالا ەكونوميكاسىنىڭ قۇرىلىمىندا سالا ۇلەسىنىڭ بارىنشا ماڭىزدى بولۋى مىندەتى تۇر.
ب. ساعىنتايەۆتىڭ پىكىرىنشە، الماتى وسى سالادا الەمدەگى ەڭ يننوۆاسيالى جانە ىلگەرى جىلجىعان قالالاردىڭ ءبىرى بولۋى ءتيىس. ول ءۇشىن بارلىق مۇمكىندىكتەر، ەڭ باستىسى – باي ادامي كاپيتال بار. عىلىمي-زەرتتەۋ ورتالىقتارى مەن جوو-نىڭ الەۋەتىن پايدالانۋ قاجەت.
پىكىر قالدىرۋ