وڭىرلىك شتابتىڭ وتىرىسىندا الماتى اكىمى ب. ساعىنتايەۆتىڭ ءتوراعالىق ەتۋىمەن، ق ر دەنساۋلىق ساقتاۋ ءمينيسترى ە. ءبىرتانوۆتىڭ قاتىسۋىمەن مىندەتتى الەۋمەتتىك مەديسينالىق ساقتاندىرۋ ماسەلەلەرى تالقىلاندى، دەپ جازادى اكىمدىكتىڭ باسپا ءسوز قىزمەتى.

ءمامس جۇمىسىنىڭ باستالۋىنا ەكى اي مەرزىم قالعاندا قالا تۇرعىندارىن تولىق قامتۋعا، بارلىق مەدمەكەمەلەردىڭ اقپاراتتىق جۇيەسىن بىرىكتىرۋگە، الماتىلىقتاردىڭ مارتەبەسىن انىقتاۋعا قاتىستى بارلىق ماسەلەلەردى شەشۋ قاجەت.

«ءاربىر قالا تۇرعىنىنىڭ ءمامس تۋرالى حاباردار بولۋى ماڭىزدى. سونىمەن قاتار، وزدىگىنەن ەڭبەككە قامتىلعاندارمەن جۇمىستى جانداندىرۋ جانە جۇمىسسىزداردى تارتۋ قاجەت. قالعان ۋاقىتتا مەديسينا قىزمەتكەرلەرىمەن جانە ەمحانالارمەن جۇمىستى بارىنشا كۇشەيتكەن ءجون»، - دەپ اتاپ ءوتتى ب. ساعىنتايەۆ.

ەلجان ءبىرتانوۆ حابارلاعانداي، الەۋمەتتىك مەدساقتاندىرۋ جۇيەسى ەنگىزىلگەندە الماتى بويىنشا مەديسينالىق كومەكتى قارجىلاندىرۋ 2020 جىلدىڭ 1 قاڭتارىنان 1،5 ەسەگە ۇلعايادى.

«ونىڭ ۇستىنە قالپىنا كەلتىرۋ ءۇشىن ەمدەۋ مەن ءپاللياتيۆتى كومەك كولەمى 7،5 ەسە، كونسۋلتاتيۆتى-دياگنوستيكالىق كومەك 6،7 ەسە، ستاسيونارلىق اۋىستىرۋ كومەگى 2،3 ەسە ارتادى»، - دەپ اتاپ ءوتتى مينيستر.

رەسمي مالىمەت بويىنشا بۇگىنگى كۇنى قالا تۇرعىندارىنىڭ 95،7%-ى شارتتى تۇردە ءمامس جۇيەسى بويىنشا ساقتاندىرىلعان. الماتىنىڭ قالعان تۇرعىندارى وسى جۇيەگە قاتىسۋشى بارلىق مەديسينالىق ۇيىمدارعا قويىلاتىن تولەم تەرمينالدارى ارقىلى وزدەرى جەكە جارنا تولەپ، مەدساقتاندىرۋ جۇيەسى بويىنشا مەديسينالىق كومەكتى الۋىنا بولادى.

ءمامس ەنگىزۋگە قالانىڭ تەحنيكالىق دايىندىعى جوعارى: الماتىنىڭ مەديسينا ۇيىمدارىنداعى بارلىق جۇمىس ورىندارى كومپيۋتەرلىك تەحنيكامەن جابدىقتالعان، بارلىق مەملەكەتتىك مەديسينا مەكەمەلەرىنە قاجەتتى اقپاراتتىق جۇيەلەر ەنگىزىلگەن. مەديسينالىق قىزمەتتى جەكە كورسەتەتىندەر اراسىندا اقپاراتتىق جۇيەمەن جاراقتانۋ ازىرشە 66%-دى قۇرايدى جانە بۇل باعىتتاعى جۇمىس ەكى ايدىڭ ىشىندە اياقتالۋى ءتيىس.

«الەۋمەتتىك مەديسينالىق ساقتاندىرۋ قورى» قەاق باسقارما ءتوراعاسى ايباتىر جۇماعۇلوۆتىڭ ايتۋىنشا، ءقازىردىڭ وزىندە ساقتاندىرۋدى ويداعىداي ەنگىزۋ جونىندەگى جۇمىس جاسالعان، مەديسينالىق قامتۋدىڭ ءۇش دەڭگەيلى جۇيەسى بەكىتىلگەن، نەگىزگى اقپاراتتىق شەشىمدەر دايىن.

الماتى اكىمىنىڭ ورىنباسارى ەرجان باباقۇماروۆ مىندەتتى الەۋمەتتىك مەديسينالىق ساقتاندىرۋدى ەنگىزۋدىڭ تيىمدىلىگىن ارتتىرۋ ماقساتىندا جۇيەلى جۇمىستاردىڭ ءجۇرىپ جاتقانىن اتاپ ءوتتى.

«مەديسينالىق كومەكتىڭ ساپاسى مەن حالىققا قولجەتىمدىلىگىن قامتاماسىز ەتۋ جانە تەگىن مەديسينالىق كومەكتىڭ كەپىلدەمەلى كولەمىن كورسەتۋگە جەكە سەكتوردى تارتۋ ءۇشىن بارلىق جاعدايلار جاسالۋدا»، - دەدى ە. باباقۇماروۆ.

بۇگىنگى كۇنى الماتىدا سۋبەكتىلەر مالىمەتى بار بازادا مەديسينالىق قىزمەت كورسەتۋگە ۇمىتكەرلەر قاتارىندا 572 مەدمەكەمە بار. ولاردىڭ 78ء-ى مەملەكەتتىك، 179-ى جەكەشەلىك. تەگىن مەديسينالىق كومەكتىڭ كەپىلدەمەلى كولەمىن كورسەتۋ ءۇشىن 178 مەديسينالىق ۇيىممەن كەلىسىمشارت جاسالدى. ولاردىڭ بارلىعىنا مەديسينالىق اقپاراتتىق جۇيە ەنگىزىلگەن. جەلتوقسانعا دەيىن ءبىرىڭعاي جيىنتىق تولەممەن بىرىگۋ ءىسى اياقتالۋى ءتيىس.

جالپى، دەنساۋلىق ساقتاۋ ءمينيسترىنىڭ ايتۋىنشا، اعىمداعى جىلدىڭ سوڭىنا دەيىن قىزمەت كورسەتۋدىڭ بولەك ەسەبىن جۇرگىزۋگە جانە الەۋمەتتىك مەديسينالىق ساقتاندىرۋ قورىنان ساقتاندىرىلعان مارتەبەسى بويىنشا اقپارات الۋعا بارلىق مەديسينالىق اقپاراتتىق جۇيەلەر دايىن بولۋى ءتيىس. ءمامس ەنگىزۋ ءۇشىن اقپاراتتىق جۇيەلەردىڭ دايىن بولۋى وتە ماڭىزدى.

كەزدەسۋ كەزىندە الماتىلىقتار اراسىندا جۇرگىزىلگەن ساۋالنامانىڭ ناتيجەسى كەلتىرىلدى، ول تۇرعىنداردىڭ الەۋمەتتىك مەديسينالىق ساقتاندىرۋدى ەنگىزۋ تۋرالى جاقسى حاباردار ەكەنىن جانە جۇيەنى ەنگىزۋدى قۇپتايتىندار دەڭگەيىنىڭ 60%-عا جۋىقتاعانىن كورسەتتى.