ماجىلىستەگى ۇكىمەت ساعاتىندا اقپارات جانە قوعامدىق دامۋ ءمينيسترى داۋرەن ابايەۆ جاستارعا ارنالعان جالدامالى پاتەرلەردى ۇسىنۋدا جالاقىعا قويىلاتىن تالاپتىڭ تومەندەۋى مۇمكىن ەكەنىن ايتتى.

دەپۋتات قۇرالاي قاراكەننىڭ «جالدامالى پاتەرگە ءوتىنىش بەرۋشى جاستاردان تالاپ ەتىلەتىن جالاقى مولشەرى تومەندەتىلە مە» دەگەن ساۋالىنا مينيستر قاجەتتىلىككە قاراي تومەندەتۋگە بولاتىنىن ءمالىم ەتتى.

– بۇل ساۋالعا قاتىستى ماسەلە تۋىندايدى دەپ ويلامايمىن. ساراپتاما قاجەتتىلىكتى كورسەتسە، ءبىز ونى ىستەيمىز. جىل سوڭىنا شەيىن العاشقى پاتەر كىلتتەرى تابىستالادى. قازىرگى تاڭدا الماتىدا 200 ادامنان ءوتىنىش كەلىپ ءتۇسىپ ۇلگەردى ءبىز جاڭا ۇيلەردى سالىپ ۇلگەرمەيتىندىكتەن، اكىمشىلىكتەرگە ەكىنشى نارىقتاعى پاتەرلەرلى ساتىپ الۋىنا رۇقسات بەردىك، – دەدى ول.

مينيستر سونداي-اق نۇر-سۇلتان، الماتى، شىمكەنت قالالارىنان بولەك، 2022 جىلدان باستاپ وزگە قالالاردا دا جاستارعا ارنالعان جالدامالى پاتەرلەردى بەرۋ مۇمكىندىگى قاراستىرىلاتىنىن ايتتى.

ەسكەرتە كەتەلىك، جالدامالى پاتەرلەر اتالعان ءۇش قالا بويىنشا 5 جىلعا بەرىلەدى. ول ءۇشىن 2 جىل تۇراقتى تىركەۋع 101 مىڭ تەڭگە جالاقى تالاپ ەتىلەدى.  پاتەردىڭ جالداۋ اقىسى ايىنا 15 مىڭ تەڭگەگە دەيىن بولماق.