قازاقستان ۋكراينانىڭ ساۋدا نارىعىنا الاڭداۋشىلىق ءبىلدىردى – دەپ Qamshy.kz اقپارات اگەنتتىگى حابارلايدى، ساۋدا جانە ينتەگراسيا مينيسترلىگىنىڭ باسپا ءسوز قىزمەتىنە سىلتەمە جاساپ.
ساۋدا جانە ينتەگراسيا ۆيسە-مينيسترى جانەل كۋشۋكوۆا ۋكراينانىڭ ەكونوميكالىق دامۋ، ساۋدا جانە اۋىل شارۋاشىلىعى ءمينيسترىنىڭ ورىنباسارى ياعني ۋكراينانىڭ ساۋدا وكىلى تاراس كاچكا باستاعان ساۋدا شارالارى بويىنشا كەلىسسوزدەر وتكىزدى.
كەزدەسۋ بارىسىندا ۆيسە-مينيستر ۋكراينانىڭ جىلجىمالى مويىنتىرەكتەر مەن مينەرالدى تىڭايتقىشتار وندىرەتىن قازاقستاندىق كاسىپورىندارعا قارسى قورعانىس شارالارىن قابىلداۋى مۇمكىن ەكەنىنە الاڭداۋشىلىق ءبىلدىردى.
قازىرگى ۋاقىتتا ۋكراينالىق تاراپ جىلجىمالى پودشيپنيكتەرگە قاتىستى دەمپينگكە قارسى تەرگەۋ جۇرگىزىپ جاتىر جانە قازاقستاننان شىققان مينەرالدى تىڭايتقىشتارعا قاتىستى ارنايى قورعانىس زەرتتەۋلەرىن جۇرگىزۋدە.
"قازاقستان تارابى ۋكراينا بيلىگى جۇرگىزگەن قورعانىس تەرگەۋلەرىنە الاڭداۋشىلىق بىلدىرەدى. ۋكراينالىق نارىق – بۇل مويىنتىرەكتەر مەن مينەرالدى تىڭايتقىشتار وندىرۋشىلەر ءۇشىن ءداستۇرلى، سوندىقتان ولاردىڭ كەدەرگىلەردى ورناتۋى – قازاقستاندىق وندىرۋشىلەردىڭ ەكونوميكالىق جاعدايىن ايتارلىقتاي ناشارلاتۋى مۇمكىن"، – دەدى جانەل كۋشۋكوۆا.
پىكىر قالدىرۋ