ەلدەگى فارماسيەۆتيكالىق كەنسەرندەردىڭ جۇمىسى بىلتىرعى قۇلدىراۋدان كەيىن قايتا قارقىن الا باستادى، دەپ حابارلايدى Energyprom سايتى.

دارىلىك زاتتار ءوندىرىسىنىڭ جالپى جيىنتىعى بىلتىرعى 55،5 ملرد تەڭگە كورسەتكىشىنەن، بيىل 65،3 ملرد تەڭگە شاماسىنا دەيىن ارتقان. ونەركاسىپتىك ءوندىرىس يندەكسى 112،5 پايىزدى كورسەتكەن.

اتالعان سالاداعى ونەركاسىپ ورىندارى شىمكەنت (23،1 ميلليارد تەڭگە)، الماتى قالالارى (14،2 ميلليارد تەڭگە) مەن الماتى وبلىسىندا (21،1 ميلليارد تەڭگە) شوعىرلانعان.

ءوندىرىس كلەمىنىڭ ارتقانىنا قاراماستان دارى-دارمەك باعاسى ءبىر جىلدا 8،2 پايىزعا قىمباتتاعان. دارۋمەندەر 11،4 پايىزعا قىمباتتاسا، انالگەتيكتەر باعاسى 10،6 پايىزعا، كورۆالول مەن انتيبيوتيكتەر باعاسى 9،3 پايىزعا وسكەن.

كەلەر جىلدىڭ 1 قاڭتارىنان بالالارعا دارىگەرلەر تاعايىنداعان دارىلەر مەدساقتاندىرۋ اياسىندا تەگىن ۇسىنىلماق. بۇل باستاما قاجەتتى پرەپوراتتاردىڭ ۇشتەن ءبىرىن قامتيتىن بولادى.