شقو اباي اۋدانىنىڭ اكىمى جارقىنبەك بايسابىروۆ اۋداننىڭ الەۋمەتتىك-ەكونوميكالىق دامۋى جونىندە باسپا ءسوز ءماسليحاتىن وتكىزدى.

اۋداننىڭ ونەركاسىپ ونىمدەرىن ءوندىرۋ كولەمى 2 144،9 ملن. تەڭگەنى قۇرادى. قاڭتار-ماۋسىم ايلارىندا اۋىل، ورمان جانە بالىق شارۋاشىلىعى ونىمدەرىنىڭ (قىزمەتتەرىنىڭ) جالپى شىعارىلىمى 20 810،2 ملن تەڭگەنى قۇراپ، ال اۋىل شارۋاشىلىعى ونىمدەرىنىڭ ناقتى كولەم يندەكسى 105،9% مولشەرىندە قالىپتاستى.

23 996،7 توننا ەت، 30 665،6 توننا ءسۇت، 1 034،4 مىڭ دانا جۇمىرتقا ءوندىرىلدى. ءىقم – 68 089 باس، قوي مەن ەشكى – 160 119 باس، جىلقى – 40 364 باس. 

اعىمداعى جىلدىڭ توعىز ايى ىشىندە 2 107 شارشى مەتر تۇرعىن ءۇي پايدالانۋعا بەرىلدى. قۇرىلىس جۇمىستارىنىڭ كولەمى 707 ملن تەڭگەگە ورىندالدى.

بۇگىندە تىركەلگەن شاعىن بيزنەس كاسىپورىندارىنىڭ سانى 39، ونىڭ ىشىندە جۇمىس ىستەپ تۇرعاندارى – 31. اۋدان بيۋدجەتىنە 466 735،6 ملن. تەڭگە جەكە تابىس تۇسكەن.

جۇمىسسىزدار سانى 249 ادامدى قۇراپ وتىر. بۇل جالپى ساننىڭ 3،4 پايىزى. 110 جاڭا جۇمىس ورنى بەرىلىپ، 469 ادام جۇمىسقا ورنالاستىرىلدى. اقىلى قوعامدىق جۇمىستارعا 271 ادام جىبەرىلدى.

سونداي-اق جارقىنبەك بايسابىروۆ ابايدىڭ 175 جىلدىعىنا دايىندىق بارىسى تۋرالى ايتىپ بەردى.

اقشوقى قىستاعىندا اقىننىڭ اكەسى قۇنانباي وسكەنباي ۇلى مۇراجايىن سالۋعا دايىندىق جۇمىستارى جۇرگىزىلۋدە. بۇل جەر قازاقستاندىقتار مەن شەتەلدىك قوناقتاردىڭ نازارىن اۋدارتپاق. وسىلايشا، تۋريستەر ۇلى قازاق ويشىلىنىڭ ءومىرى تۋرالى كوبىرەك بىلۋگە ۇمتىلادى.

ەستەرىڭىزگە سالا كەتەيىك، شىعىس قازاقستاندا اباي قۇنانباي ۇلىنىڭ مەرەيتويى اياسىندا رەسپۋبليكالىق، وبلىستىق جانە اۋداندىق دەڭگەيدەگى 330-دان استام ءىس-شارا جوسپارلانعان. ولاردى جۇزەگە اسىرۋعا 880 ملن تەڭگە قاراستىرىلعان.

سەمەي قالاسىنىڭ اقپاراتتىق ورتالىعى