ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ  2017-2021 جىلدارعا ارنالعان  «ەڭبەك» مەملەكەتتىك باعدارلاماسى ىسكە اسىرۋ اياسىندا جىل باسىنان جۇمىسپەن قامتۋعا جاردەمدەسۋدىڭ بەلسەندى شارالارىمەن جۇمىسسىزدار جانە ءوزىن-وزى جۇمىسپەن قامتىعاندار  اراسىنان 5865 ادام قامتىلدى.

جۇمىسسىزداردىڭ باسەكەلەستىگىن ارتتىرۋ ماقساتىندا جۇمىسسىزداردى جانە ءوزىن-وزى جۇمىسپەن قامتىعانداردى ەڭبەك نارىعىندا سۇرانىسقا يە ماماندىقتار بويىنشا كاسىپتىك وقىتۋ جۇمىسى جۇرگىزىلۋدە. اعىمداعى جىلدىڭ باسىنان قىسقا مەرزىمدى كاسىپتىك وقىتۋعا 905 ادام جىبەرىلدى. وقىتۋ  كونديتەر، 1-س ءبىلىمى بار ەەم وپەراتورى، بۋحگالتەر جانە ت. ب. 30 ماماندىق بويىنشا جۇرگىزىلەدى.

قالالار مەن اۋىلدا كاسىپكەرلىك باستامالاردى قولداۋ ءۇشىن ەكىنشى باعىت ىسكە اسىرىلۋدا، ول باعدارلاماعا قاتىسۋشىلاردى "باستاۋ بيزنەس" جوباسى بويىنشا كاسىپكەرلىك نەگىزدەرىنە وقىتۋدى جانە بيزنەستى اشۋعا نەمەسە بار بيزنەستى كەڭەيتۋگە ميكروكرەديت بەرۋدى قاراستىرادى. جىل باسىنان "باستاۋ – بيزنەس" جوباسى بويىنشا كاسىپكەرلىك نەگىزدەرىن وقىتۋ كۋرستارىنا 78 ادام جىبەرىلدى، ونىڭ ىشىندە 60 ادام وقۋدى اياقتاپ، سەرتيفيكات الدى.  جۇمىس ىستەپ تۇرعان بيزنەستى كەڭەيتۋگە 51 قاتىسۋشىعا 371،7 ملن تەڭگە سوماسىنا شاعىن نەسيە بەرىلدى. جاڭا بيزنەس يدەيالاردى ىسكە اسىرۋعا مەملەكەتتىك گرانتتاردى 78 ادام الدى. 35،600 ملن تەڭگە يگەرىلدى.

2793 ادامعا جۇمىسقا ورنالاستىرۋ شارالارى كورسەتىلدى، ولاردىڭ 109ء-ى تۇراقتى جۇمىس ورىندارىنا ورنالاستىرىلدى.

ماقساتتى توپتارعا كىرەتىن جۇمىسسىزداردى جۇمىسقا بەيىمدەۋگە جانە بەلسەندى الەۋمەتتىك قولداۋ ءۇشىن ارنالعان "الەۋمەتتىك جۇمىس ورنى" باعدارلاماسى جۇمىس ىستەيدى. الەۋمەتتىك جۇمىس ورىندارىنا 300 ادام جۇمىسقا ورنالاستىرىلدى.  قاتىسۋشىلاردىڭ ورتاشا ايلىق جالاقىسى ايىنا 64977 تەڭگەنى قۇرادى (2018 جىلى – 57336)، قاتىسۋ ۇزاقتىعى 1 جىلعا دەيىن.

ەڭبەك نارىعىنداعى جاعدايدى وڭالتۋعا قوعامدىق جۇمىستاردى ۇيىمداستىرۋ جاقسى اسەر ەتتى، ولار ۋاقىتشا جۇمىسپەن قامتىلۋدى عانا ەمەس، سونىمەن بىرگە جۇمىسسىزداردىڭ جۇمىسقا دەگەن بەلسەندىلىگىن ارتتىرۋعا وڭ اسەرىن تيگىزەدى، الدىن الا كاسىبي دايىندىقتى قاجەت ەتپەيدى. قوعامدىق جۇمىستارعا 593 ادام جۇمىسقا ورنالاستىرىلدى. جۇمىسسىزدار قالا مەن اۋىل وڭىرلەرىن اباتتاندىرۋ، بالالاردىڭ بوس ۋاقىتىن ۇيىمداستىرۋ، قۇجاتتارمەن جۇمىس ىستەۋ جانە باسقا جۇمىستارىنا قاتىستى. قاتىسۋشىلاردىڭ ەڭبەكاقىسى ايىنا 42500 تەڭگەنى قۇرايدى، قاتىسۋ ۇزاقتىعى 1 جىلعا دەيىن.

"جاستار تاجىريبەسى" جوعارى وقۋ ورىندارى مەن كاسىپتىك-تەحنيكالىق مەكەمەلەردىڭ تۇلەكتەرىن جۇمىسپەن قامتۋ پروبلەماسىن تابىستى شەشۋى. ول تۇلەكتەرگە ماماندىعى بويىنشا باستاپقى تاجىريبە جانە جۇمىس داعدىلاردى الۋعا مۇمكىندىك بەرەدى، بۇل كەيىننەن ولاردىڭ تۇراقتى جۇمىس ورىندارىنا جۇمىسقا ورنالاسۋ مۇمكىندىكتەرىن ارتتىرادى. بيىل جاستار تاجىريبەسىنە وقۋ ورىندارىنىڭ 475 تۇلەگى جىبەرىلدى. قاتىسۋشىلاردىڭ ورتاشا ايلىق جالاقىسى 63125 تەڭگەنى قۇرادى. قاتىسۋ ۇزاقتىعى 6 ايدان اسپايدى.

ەڭبەك رەسۋرستارىنىڭ ۇتقىرلىعىن ارتتىرۋ اياسىندا الماتى، قىزىلوردا جانە تۇركىستان وبلىستارىنىڭ جۇمىس كۇشى مول وڭىرلەرىنەن 27 وتباسى (49 ادام) جانە وزبەكستاننان 1 ورالمان قونىس اۋداردى. كوشۋگە 4،596 ملن تەڭگە سۋبسيديا تولەندى، تۇرعىن ءۇي جالداۋ (جالداۋ) بويىنشا شىعىنداردى وتەۋگە جانە كوممۋنالدىق قىزمەتتەردى تولەۋگە – 11،677 ملن. تەڭگە.

ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان  «ەڭبەك» مەملەكەتتىك باعدارلاماسىنىڭ ىسكە اسىرىلۋى قالانىڭ ەڭبەك نارىعىنا وڭ اسەرىن تيگىزدى. 2019 جىلدىڭ 31 قاراشاسىنا قالانىڭ تىركەلگەن ەڭبەك نارىعىندا جۇمىسسىزدار سانى وتكەن جىلدىڭ سايكەس مەرزىمىمەن سالىستىرعاندا 40،4%-عا تومەندەپ 1693 ادامدى قۇرادى.

سەمەي قالاسىنىڭ اقپاراتتىق ورتالىعى