بۇل تۋرالى باسپا ءسوز ءماسليحاتىندا سەمەي قالاسىنىڭ اۋىل شارۋاشىلىعى ءبولىمىنىڭ باسشىسى  نۇرلان شاقابايەۆ ءمالىم ەتتى.

– بيىلعى جىلى 911 گەكتار ءداندى داقىلدار، ونىڭ ىشىندە 120 گەكتار كۇزدىك داقىلدار، 3215 گەكتار كارتوپ، 1511،2 – كوكونىس جانە 68،5 باقشا داقىلدارى ەگىلدى. 7988،3 گەكتار القاپتا جەمدىك داقىلدار ەگىلىپ، ونىڭ ىشىندە 6656،8 – وتكەن جىلدارداعى كوپجىلدىق شوپتەر جانە 489،5 – اعىمداعى جىلعى ەگىلگەن كوپجىلدىق شوپتەر، ال 542 گەكتار – ءبىر جىلدىق شوپتەر بولىپ تابىلادى. سونداي-اق 300 گەكتار سۇرلەمگە جۇگەرى ەگىلدى. بۇل 2019 جىلعى ەگىس القابىنىڭ 2،5 %-ىن قۇرايدى، – دەپ اتاپ ءوتتى نۇرلان شاقابايەۆ.

 قازىرگى ۋاقىتتا  ەگىن جيناۋ اياقتالدى. 911 گەكتار القاپتا ەگىلگەن ءداندى داقىلداردان 744،7 توننا استىق جانە  51،4 مىڭ توننا كارتوپ جينالدى. بيىل كوكونىس ءونىمى 34 مىڭ توننانى قۇرادى. ءوڭىردىڭ اۋىل شارۋاشىلىعى قۇرىلىمدارى كۇزگى جيىن-تەرىم جۇمىستارىن اگروتەحنيكالىق مەرزىمدە اياقتادى.

– بۇگىنگى كۇنى 101،6 مىڭ توننا ءشوپ، 6100 توننا پىشەندەمە، 10 مىڭ توننا سۇرلەم دايىندالدى. بارلىق نورماتيۆتىك قورلار تالاپتارعا سايكەس كەلەدى. بۇل وتە ماڭىزدى، سەبەبى ەگەر مۇنداي ناتيجەلەرگە قول جەتكىزبەسە،  سالدارى اۋىر بولۋى مۇمكىن. سوندىقتان ءبىز ءۇشىن جەم-شوپ قورىن قۇرۋ ماسەلەسى باسىم باعىتتاردىڭ ءبىرى بولىپ تابىلادى، – دەدى قالالىق اۋىل شارۋاشىلىعى ءبولىمىنىڭ باسشىسى.