كوشەلەردى قاردان تازالاۋ ءۇشىن مىڭ بىرلىككە جۋىق ارنايى تەحنيكا دايىندالدى، دەپ حابارلايدى اكىمدىكتىڭ رەسمي سايتى.
«قازگيدرومەتتىڭ» اۋا رايىن ۇزاق مەرزىمدى بولجاۋى بويىنشا الماتىدا قار ارالاس جاۋىن-شاشىن 5-10 قاراشا جانە 23-30 قاراشا ارالىعىندا بولادى دەپ كۇتىلۋدە.
قازىرگى كەزدە قالانىڭ بارلىق قار تازالايتىن ارنايى تەحنيكاسى جۇمىسقا 100% دايىن. قىس كەزىندە قار تازالاۋمەن 993 ارنايى تەحنيكا بىرلىگى جانە 1320 جول جۇمىسشىلارى اينالىساتىن بولادى. ەگەر قار قالىڭ جاۋاتىن بولسا، قوسىمشا 150 ساموسۆال ماشينالارى تارتىلادى.
وقىستان بولاتىن وقيعالاردىڭ الدىن الۋ ءۇشىن جولدى تازالاۋعا كەتەتىن ۋاقىت ءنورماتيۆىن ەسكەرە وتىرىپ، بارلىق ارناي تەحنيكالار قوزعالىستارىنىڭ باعىتتارى جانە بەكىتىلگەن ۋچاسكەدەگى قار تازالاۋ تەحنولوگياسى بويىنشا جاتتىعۋ ساباقتارى وتەتىن بولادى.
«الماتى تازالىق» مقك قار تازالاۋ جۇمىستارىن ءتيىمدى ۇيىمداستىرۋ ءۇشىن قالا تۇرعىندارى مەن قوناقتارىن كولىكتەرىن رۇقسات ەتىلمەگەن جەرلەردە قالدىرماۋعا جانە جولداردا بولاتىن كەپتەلىستەرگە تۇسىنىستىكپەن قاراۋعا شاقىرادى.
پىكىر قالدىرۋ