پولشالىق بوكسشى كاميل شەرەمەتانىڭ (21-0، 5 كو) پروموۋتەرى اندجەي ۆاسيليەۆسكي ەۋروپا چەمپيونى قازاقستاندىق گەنناديي گولوۆكينمەن (40-1-1، 35 كو) جۇدىرىقتاسۋعا دايىن ەكەنىن ايتادى دەپ حابارلايدى Qamshy.kz اقپارات اگەنتتىگى Vesti.kz. سايتىنا سىلتەمە جاساپ. 

"ءبىز دايىنبىز. كاميل شەرەمەتا - ارمانى بيىك بوكسشى. GGG سياقتى اڭىز بوكسشىمەن جۇدىرىقتاسۋدى قالايدى. بۇل - ونىڭ ماقساتى"، - دەيدى ۆاسيليەۆسكيي The Ring جۋرنالىنا بەرگەن سۇحباتىندا.

پروموۋتەردىڭ سوزىنشە، شەرەمەتا مەن گولوۆكين جەكپە-جەگى 8 نەمەسە 29 اقپاندا وتەدى. ال كەزدەسۋ ورنى رەتىندە چيكاگوداعى Wintrust Arena تاڭدالدى. شەرەمەتانىڭ ءوزى چەمپيوندىق اتاق ءۇشىن كوپتەن بەرى جۇدىرىقتاسقىسى كەلەتىنىن مالىمدەدى. 

"ەۋروپا چەمپيونى بولۋ مەن ءۇشىن ابىروي، ءبىراق، ءومىر جالعاسۋدا، سوندىقتان مەن ودان ۇلكەنىن قالايمىن. الەم چەمپيونى تيتۋلى ءۇشىن جۇدىرىقتاسقىم كەلەدى. 

"Madison Square Garden ارەناسىندا ونەر كورسەتىپ، گەننادييدىڭ Big drama شوۋىنىڭ بولىگى بولۋ ۇلكەن تاجىريبە بەردى. جاس كەزىمدە وسى ارەناداعى اندجەي گولوتانىڭ ريدديك بوۋمەن، دجون رۋيس جانە كريس بەردپەن جەكپە-جەكتەرىن تاماشالايتىنمىن. ول جەردە جۇدىرىقتاسۋ ورىندالعان ارمان بولدى.